टाटा पन्चसँग प्रतिस्पर्धा गर्न हुन्डाईले नयाँ कार लन्च गर्ने

हुन्डाईले यो वर्ष माइक्रो एसयूभी क्यास्पर लन्च गर्ने तयारी गरिरहेको छ । रिपोर्टका अनुसार हुन्डाईले यो वर्षको मध्यतिर क्यास्पर सार्वजनिक गर्नुका साथै लन्च गर्ने पनि सम्भावना छ । कम्पनीले हाल एआई३ कोडनेम राखेर यसको परीक्षण गरिरहेको छ । यद्यपि कम्पनीले यसको जानकारी भने दिएको छैन ।

सो कार के१ कम्प्याक्ट कार प्लेटफर्ममा तयारी गरिदै छ । कारमा एलईडी डीआरएलको साथ राउन्ड शेप हेडल्याम्प, लोअर बम्पर एलईडी रिङ, सिल्भर फिनिस स्किड प्लेट, ड्युअल टोन रुफ, ह्विल आर्च र मल्टि स्पोक अलोय ह्विल देख्न सकिन्छ ।

क्यास्परमा १.१ लिटरको पेट्रोल इन्जिन छ । सो इन्जिनले ६९ पीएसको पावर जेनेरेट गर्छ । यसमा १.२ लिटर इन्जिनको पनि विकल्प हुनेछ । जसले ८२ बीएचपीको पावर जेनेरेट गर्छ । कारमा अटो र म्यानुअल ट्रान्समिसन समावेश गरिने छ । यसले २० किमी प्रतिलिटरको माइलेज दिनेछ ।

कारमा ड्युअल टोनको इन्टेरियर हुनेछ । यसमा एन्ड्रोयड र एप्पल कार प्ले सपोर्ट गर्ने ८ इन्चको टचस्क्रिन इन्फोटेनमेन्ट सिस्टम दिइनेछ । यसको साथै किलेस इन्ट्री, कनेक्टेड कार टेक्नोलोजी, रिभर्स पार्किङ क्यामेरा र एयरब्याग जस्ता फिचर हुनेछ ।