उमेरको आधा जति, त्यति नै हजार छुट पाइदै छ इलेक्ट्रिक सवारीमा

काठमाडौं – कोमाकी ईभीको नेपालका लागि आधिकारिक वितरक युनिटी ट्रेडिङ कन्सर्नले ‘उमेरको आधा अफर- उमेरको आधा जति, पाउनुहोस् हजारमा डिस्काउन्ट त्यति’ ’ ल्याएको छ । यस अनुसार उमेरको आधा जति, त्यति नै हजार डिस्काउन्ट पाइने छ ।

नयाँ वर्ष २०८० को अवसरमा ल्याइएको सो अफर अन्तर्गत कुनै पनि कोमाकी ईभीको खरिदमा आफ्नो उमेर भन्दा ठ्याक्कै आधा जति, त्यति नै हजार बराबरको डिस्काउन्ट पाइने छ । ग्राहकले २० हजार रुपैयाँ फ्ल्याट डिस्काउन्ट पनि लिन सक्ने छन् । यी दुई मध्ये जुन बढी हुन्छ, त्यही छुट लिन सकिने युनिटी ट्रेडिङले जनाएको छ ।

यो वाहेक पुरानो कुनै पनि ब्रान्डको मोटरसाइकल वा स्कुटरसँग नयाँ कोमाकी मोटरसाइकल वा स्कुटर एक्सचेन्ज गर्न पनि सकिने छ । यसो हुँदा एक्सचेन्ज मूल्यांकनमा अतिरिक्त २० हजार रुपैयाँ समेत प्राप्त हुनेछ ।

त्यसैगरी कोमाकी ईभी लिदा ४० प्रतिशत डाउन पेमेन्ट गरी बाँकी ६० प्रतिशत रकमलाई २ वर्ष सम्म किस्ताबन्दीमा समेत तिर्न सकिने सुविधा समेत उपलब्ध छ ।

कोमाकीको यो अफर आगामी बैशाख ३१ गते सम्म उपलब्ध हुने बताइएको छ ।