कार विक्रीमा मारुती सुजुकीको वर्चस्व कायमै, व्रेजाले पछि पार्यो टाटा नेक्सनलाई

भारतको सवैभन्दा ठूलो प्यासेन्जर कार निर्माता मारुती सुजुकीले विक्रीमा आफ्नो दवदवा कायमै राखेको छ । फेव्रुअरी महिनामा भारतीय बजारमा सर्बाधिक विक्री हुने १० कारको सुचीमा सुजुकीको मात्रै ७ वटा मोडल सामेल भएपछि उसको दवदवा कायमै रहेको पुष्टि भएको हो ।

गत महिना भारतमा सर्बाधिक विक्री हुने कारको सूचीमा सुजुकीको वलेनो पहिलो स्थानमा रहेको छ । वलेनो १८ हजार ५९२ यूनिट विक्री हुँदै सूचीको पहिलो स्थानमा रहन सफल भएको हो । यसैगरी सुजुकीकै स्विफ्ट १८ हजार ४१२ र अल्टो १८ हजार ११४ यूनिट विक्री हुँदै सुचीको दोस्रो र तेस्रो स्थानमा रहन सफल भए ।

चौथो स्थानमा रहेको वागन आर १६ हजार ८८९ विक्री हुँदा १६ हजार ७९८ युनिट विक्री हुँदै डिजायर पाँचौ स्थानमा रह्यो । छैठौँ स्थानमा रहेको व्रेजा कुल १५ हजार ७८७ युनिट विक्री भयो । जनवरीमा १४ हजार ३५९ युनिट विक्री हुँदै व्रेजा सुचीको सातौ स्थानमा रहेको थियो । सो महिना व्रेजाको विक्रीलाई टाटा नेक्सन र हुन्डाई क्रेटाले पछि पारकोे थियो ।

जनवरीको तुलनामा व्रेजाको विक्री वढ्नु तथा नेक्सन र क्रेटाको विक्री घट्नुले गत महिना यो एसयूभी भारतमा सर्वाधिक विक्री हुने एसयूभी वनेको छ । फेव्रुअरीमा नेक्सन १३ हजार ९१४ यूनिट विक्री हुँदै सूचीको ७ स्थानमा पुगेको छ । जवकी जनवरीमा यो एसयूभी १५ हजार ५६७ युनिट विक्री हुँदै सूचीको पाँचौ स्थानमा रहको थियो भने एसयूभी सेग्मेन्टमा पहिलो वनेको थियो ।

सूचीको आँठौ स्थानमा सुजुकीकै इको भ्यान पर्न सफल भएको छ । गत महिना इको ११ हजार ३५२ युनिट विक्री भएको हो । नवौं स्थानमा टाटा पन्चले आफ्नो स्थान सुरक्षित गरेको छ । पन्च ११ हजार १६९ युनिट विक्री भएको थियो ।

जनवरीमा सूचीको छैठौ स्थानमा रहन सफल हुन्डाई क्रेटा १० औँ स्थानमा पुगेको छ । गत महिना क्रेटा १० हजार ४२१ युनिट विक्री भएको हो । जवकी जनवरीमा क्रेटाले १५ हजार ३७ युनिट विक्री हाँसिल गरेको थियो ।