६५ किमी माइलेज दिने मोटरसाइकल ल्याउदै होन्डा, हिरो स्प्लेन्डरको प्रतिस्पर्धी बन्ने

होन्डाले आगामी मार्च १५ मा एक नयाँ मोटरसाइकल लन्च गर्ने योजना बनाइरहेको छ, जसको हाल बजारमा सेगमेन्टको टप सेलिङमा रहका हिरो स्प्लेन्डर प्लस र एचएफ डिलक्स जस्ता बाइकसँग प्रतिस्पर्धा गर्नेछ ।

होन्डाले हाल भारतीय बजारमा कम पावरफुल अर्थात ११० सीसी सेगमेन्टमा होन्डा सीडी ११० ड्रिम र होन्डा लिभो जस्ता मोटरसाइकल बिक्री गरिरहेको छ । नेपाली बजारमा भने होन्डा लिभो उपलब्ध छैन । अब होन्डाले यही सेगमेन्टमा अझै राम्रो माइलेज दिने मोटरसाइकल ल्याउने तयारी गरिरहेको छ ।

होन्डाको सो मोटरसाइकलमा ९७.२ सीसीको इन्जिन हुनेछ, जसले ८ बीएचपीको पावर दिनेछ । यसमा फोर स्पिड गियरबक्स हुनेछ । मिडिया रिपोर्टका अनुसार सो मोटरसाइकलको माइलेज ६५ किलोमिटर सम्म हुनेछ भने यसको मूल्य भारतीय बजारमा करिव ७० हजार भारु हुनेछ ।

भारतीय मिडियाहरुमा होन्डाले एक टिजर तस्बिर सार्वजनिक गर्दै यसको वारेमा केही जानकारी दिएको छ ।