अटो एक्सपो २०२३ मा टाटा मोटर्सले हाइड्रोजन टेक्नोलोजी सार्वजनिक गर्ने सम्भावना

अटो एक्स्पो २०२३ मा सहभागी हुने ठूला कम्पनीहरूमध्ये टाटा मोटर्स पनि एक हुनेछ । कम्पनीले अटो एक्स्पोमा नयाँ टेक्नोलोजी सार्वजनिक गर्ने योजना बनाएको छ । टाटा मोटर्सले हाइड्रोजन टेक्नोलोजी, एड्भान्स ड्राइभर असिस्टेन्स सिस्टम र कनेक्टेड कार टेक्नोलोजीसँग सम्बन्धित टिजर जारी गरेको छ ।

कम्पनीले नेक्सन ईभी, टिगोर ईभी र टियागो ईभी जस्ता लोकप्रिय इलेक्ट्रिक कार मार्फत बजारको ठूलो हिस्सा कब्जा गरेको छ । अब भविष्यलाई हेर्दै टाटाले अटो एक्सपोमा टेक्नोलोजीको प्रोटोटाइपहरू लन्च गर्ने सम्भावना रहेको छ ।

टाटाले आफ्ना कारमा थप सेफ्टीका लागि विभिन्न फिचरको पनि उजागर गरेको छ । साथै थप सेफ्टीका लागि कम्पनीले आफ्ना सबै कारमा एडीएएस समावेश गर्ने सम्भावना छ । रिपोर्टका अनुसार टाटाको सफारी र ह्यारियर एडीएएस भएको पहिलो मोडल हुनेछ ।

टाटा मोटर्सले आफ्नो कनेक्टेड कार टेक्नोलोजीलाई ब्रान्डको कनेक्टेड कार प्लेटफर्म आईआरएले अपडेट गरिएको भेरिएन्ट पनि प्रदर्शन गर्ने सम्भावना छ । हाल आईआरएले सुसज्जित सवारी साधनमा लगभग २७ फिचरहरू उपलब्ध छन् । हुन्डाई र कियासँग प्रतिस्पर्धा गर्न टाटा मोटर्सले पनि सो फिचर समावेश गर्ने अनुमान गरिएको छ ।