व्रेजामा थप भयो यी फिचर्स, छिट्टै नेपाल आउने

मारुती सजुकीकले आफ्नो सव कम्प्याक्ट एसयूभी व्रेजामा नयाँ फिचर्स थप गरेको छ । यो नयाँ अपडेटेड मोडलमा उसले स्मार्ट प्ले प्रो प्लस इन्फोटेन्मेन्ट सिस्टमलाई अपडेट गरेर वायरलेस एन्ड्रोइड अटो र वायरलेस एप्पल कार प्ले थप गरेको हो ।

यसैगरी हेड अप डिस्प्लेमा टर्न वाई टर्न नेभिगेसन र मल्टि इन्फर्मेसन डिस्प्ले समेत थप गरिएको छ । यो नयाँ फिचर्सलाई ग्राहकले स्मार्ट फोनमार्फत ओभर दि एयर अर्थात वेवसाइटवाट डाउनलोड गर्न सक्नेछन् ।

६ महिनाअघि लन्च भएको नयाँ व्रेजा भारतीय बजारमा यो सेग्मेन्टकै सर्बाधिक लोकप्रिय एसयूभी वनिरहेको छ । यो कार हालसम्म १ लाख ९० हजार भन्दा बढी युनिट वुक भैसकेको कम्पनीले बताएको छ ।

यो नयाँ एसयूभीम सुजुकीले इलेक्ट्रोनिक सनरुफ, आर्कामिज साउन्ड सिस्टम, क्रुज कन्ट्रोल र ३६० डिग्री पार्किङ क्यामेरा लगायत अत्याधुनिक फिचर्स दिएको छ । साथै यसमा जडान गरिएको लाइट पूर्णत एलइडी, एलइडी डे टाइम रनिङ ल्याम्प, प्रोजेक्टर हेडल्याम्प, टचस्क्रिन इन्फोटेन्मेन्ट सिस्टम, वायरलेस चार्जर, कुल्ड ग्लोभ वक्स, रियर एसी भेन्ट, किलेस इन्ट्रि र अटोमेटिक क्लाइमेट कन्ट्रोल लगायत फिचर्स पाउन सकिन्छ ।

फिचर्स अपडेट भएर आएपनि यसको मेकानिकल पक्षमा भने कम्पनीले कुनै परिवर्तन गरेको छैन । यसमा जडान गरिएको १.५ लिटर स्मार्ट हाइव्रिड इन्जिनले १०२ विएचपी र १३६.८ एनएम टर्क जेनेरेट गर्छ । यो एसयूभी ५ स्पिड म्यानुअल ट्रान्समिसन तथा ६ स्पिड टर्क कन्भर्टर अटोमेटिक भर्सनमा उपलब्ध छ ।

एलएक्सआई, भिएक्सआई, जेडएक्सआई र जेडएक्सआई प्लस गरी कुल ४ भेरियन्टमा उपलब्ध यो एसयूभीको मूल्य भारतीय बजारमा ८ देखी १३ लाख ८९ हजार भारु निर्धारण गरिएको छ ।

नेपाली बजारका लागी समेत प्रतिक्षा गरिएको यो एसयूभी छिट्टै नेपाल आउने आधिकाकिर वितरक सिजी मोटोकर्पले बताएको छ । विगत ८ महिनायता सवारीसाधनको आयतमाथी प्रतिवन्ध लागेका कारण नेपाल आउन नसकेको यो एसयूभी हाल प्रतिवन्ध हटिसकेका कारण नेपाल आउने तयारीमा रहेको कम्पनी स्रोतको भनाई छ ।