मोटर स्पोर्ट्समा उत्कृष्ट प्रदर्शन गरेका खेलाडीलाई गरियो सम्मान

काठमाडौं – फ्रान्सको मार्सेली सहरमा केही दिन पहिले सम्पन्न ओलम्पिक फम्र्याटको मोटर स्पोर्ट्समा उत्कृष्ट प्रदर्शन गर्ने नेपाली खेलाडीहरुलाई सम्मान गरिएको छ । बिहीबार एक कार्यक्रमका बीच सस्कृति तथा पर्यटन मन्त्री जीवनराम श्रेष्ठको प्रमुख आतिथ्यतामा नासा नेपालले उनीहरुलाई सम्मान गरेको हो ।

सो अवसरमा मन्त्री श्रेष्ठले ओलम्पिक फम्र्याटमा भएको सो विश्व स्तरको खेलका खेलाडीलाई सम्मान गर्न पाउदा आफू निकै नै खुसी भएको बताए । उनले मोटर स्पोर्ट्स खेल र खेलाडीको विकासमा सबै प्रकारको सहयोग गर्न तयार रहेको बताए ।

नेपालबाट टिम कप्तान अनिल कुमार बराल तथा जिस्वन तुलाधर अटो स्लालम विधामा सहभागी भएका थिए भने दिप्रश शाक्य कार्टिङ विधामा एि । खेलको व्यवस्थापकिय जिम्मेवारी यदुराज लामिछाने तथा सिर्जन अर्यालले लिएको थिए ।

टिमका व्यवस्थापक यदुराज लामिछाने तथा अपिÞmसियल सिर्जना अर्याललाई अवार्ड अफ एप्रिसिएन तथा प्रमाणपत्र दिइएको थियो भने खेलाडीहरुलाई अवार्ड अफ स्पोर्ट्सम्यानसिप र अवार्ड अफ एक्सिलेन्स प्रदान गरिएको थियो ।

यसरी खेलाडीहरुलाई सम्मान गर्न पाउदा निकै खुसी लागेको बताउदै नासा नेपालका अध्यक्ष दशरथ रिसालले तालिमको व्यवस्था गर्न सके नेपालले समेत आगामी दिनमा पदक ल्याउन सक्ने अवस्था रहेको बताए ।

वरिष्ठ पत्रकार टीकाराम यात्रीले मोटर स्पर्ट्स खेल २०२२ को आफ्नो अनुभव बाँडेका थिए भने टिम म्यानेजर यदुराज लामिछानेले आफ्नो नेतृत्वमा नेपाली झन्डा फहराउने अवसर पाएकोमा गर्वको अनुभूति भएको बताए ।

नासा नेपालका बरिष्ठ सल्लाहकार तथा एफआईए वर्ल्ड काउन्सिल मेम्बर गोविन्द भट्टराईले नेपालमा मोटर स्पोर्ट्सको भविष्य रहेको र नयाँ पुस्ता निकै नै आकर्षित भएका कारण पनि देशले यो विधाबाट अन्तर्रास्ट्रिय जगतमा एउटा छुट्टै पहिचान बनाउनेमा ढुक्क रहेको बताए ।

नासा नेपालका एथ्लेट कमिसन प्रमुख उपेन्द्र प्याकुरेल खेलाडीको हकहितमा सधै आफू लागि रहने अनि यस्ता सम्मानले खेलाडीको आत्मबल बढ्ने तथा भविष्यमा अझै उत्कृष्ट नतिजा ल्याउने बताए ।

नासा एथ्लेट काउन्सिलका सचिव कष्ण पौडेलद्वारा संचालित कार्यक्रममा विभिन्न मिडियाकर्मी व्यक्तित्व, कलाकार, मोटर स्पोर्ट्स खेलाडी एवं नासा नेपालका विभिन्न पदाधिकारी उपस्थित कार्यक्रममा सो सम्मान गरिएको थियो । ,