केटिएमले किन्यो एमभी अगस्टाको २५.१ प्रतिशत सेयर

स्पोर्ट्स वाइक उत्पादनमा ख्याती कमाएका दुई प्रख्यात टु ह्विलर कम्पनी केटिएम र एमभी अगस्टाले एकआपसमा सहकार्य गर्ने भएका छन् । केटिएमले एमभी अगस्टाको २५.१ प्रतिशत सेयर खरिद गरेसंगै यी दुई व्राण्ड विचको सहकार्य बढेर जाने देखिएको हो ।

अस्ट्रियन ब्राण्ड केटिएमको विश्वभर सप्लाई चेन रहेको र उक्त सप्लाई चेनको साहयतामा एमभी अगस्टालाई समेत बिक्री गर्न सहज हुने दुवै व्राण्डले विश्वास लिएका छन् । साथै केटिएमसंगको सहकार्यमा उत्पादन हुँदा एमभी अगस्टाको मूल्यमा समेत कमी आउनसक्ने जनाइएको छ ।

इटालिको सुपर स्पोर्ट वाइक निर्माता एमभी अगस्टा उच्च सिसी र उच्च पर्फमेन्सको वाइक उत्पादनका कारण विश्वभर चर्चित व्राण्ड हो भने केटिएमले मध्यम रेन्जदेखी उच्च रेन्ज सम्मका मोटरसाइकल उत्पादन गरी विश्व बजारमा बिक्री वितरण गर्दै आइरहेको छ । यी दुवै वाइक नेपाली बजारमा समेत उपलब्ध छन् ।

केटिएमममा भारतीय टु ह्विलर ब्रान्ड बजाजको समेत लगानी भएका कारण भविष्यमा यो ब्राण्डको उत्पादन भारतमै हुनसक्ने समेत आँकलन गरिएको छ । भारतमा उत्पादन हुँदा यसको लागत कम पर्ने र केही मोडलका वाइक कम सिसी क्षमतामा समेत उपलब्ध हुनसक्ने जनाइएको छ ।