भारतमा चाँडै लन्च हुने भयो एमजी मोटरको सस्तो ईभी

एमजीले भारतीय बजारमा ल्याउने भनिएको आगामी इलेक्ट्रिक कार इन्डोनेसियामा चलिरहेको जी२० शिखर सम्मेलनमा आधिकारिक रूपमा प्रयोग भइरहेको छ । जसलाई चाँडै नै लन्च गर्ने भएको छ । सो कार हाल इन्डोनेसियामा बिक्री भइरहेको छ ।

वुलिङ एयर ईभी नामक सो कार रातो र सुन्तला रङमा तथा निलो रङमा २ फरक फरक डिजाइनहरु छन् । सो कार ग्लोबल स्मल इलेक्ट्रिक भेइकल प्लेटफर्ममा आधारित छ । भारतको लागि सो कम्प्याक्ट ईभीको कोडनेम ई२३० राखिएको छ ।

सो कारको लम्बाई २९७४ एमएम, चौडाइ १५०५ एमएम, उचाइ १६३१ एमएम र ह्विलबेस २०१० एमएम हुने अपेक्षा गरिएको छ । यो टियागो ईभी भन्दा सानो हुनेछ र हालै लन्च भएको ईएएस–ई माइक्रो ईभीसँग मिल्दोजुल्दो हुनेछ ।

वुलिङ्ग एयर ईभीमा १७.३ केडब्ल्युएच र २६.७ केडब्ल्युएच गरी २ वटा ब्याट्री उपलब्ध छ । यसमा सानो ब्याट्रीले २०० किमी र ठुलो ब्याट्रीले ३०० किमीको रेन्ज दिने वुलिङगको दाबी छ । सो दुवै ब्याट्रीमा रियर एक्सलमा इलेक्ट्रिक मोटर छ जसले ४१ पीएसको पावर जेनेरेट गर्छ ।

एमजी मोटर इन्डियाले अर्को वर्ष जनवरीमा वुलिङ्ग एयर ईभीमा आधारित इलेक्ट्रिक कार लन्च गर्ने घोषणा गरेको छ । यो २०२३ को दिल्लीमा हुने अटो एक्सपोमा सार्वजनिक हुने अपेक्षा गरिएको छ ।