लन्च भएको एक महिनामै हन्टर बन्यो रोयल इन्फिल्डको सर्बाधिक बिक्री हुने दोस्रो मोटरसाइकल

रोयल इन्फिल्ड हन्टर लन्च भएको एक महिनामै सबैभन्दा बढी बिक्री हुने दोस्रो मोडल बनेको छ । पहिलो नम्बरमा भने क्लासिक ३५० रहेको छ ।

भारतमा अगस्ट महिनामा क्लासिक ३५० १८ हजार ९९३ युनिट बिक्री भयो भने हन्टर १८ हजार १९७ युनिट बिक्री भएको छ । अगस्ट १० मा हन्टर ३५० को डेलिभरी प्रारम्भ भएको थियो । यसले गर्दा आगामी दिनमा यसको क्रेज अझै बढ्ने अनुमान गर्न सकिन्छ ।

सो बाइक रेट्रो र मेट्रो गरी २ भेरिएन्टमा लन्च गरिएको छ ।

रोयल इन्फिल्ड हन्टर ३५० मा ३४९ सीसी इन्जिन दिइएको छ, जसले २०.२ बीएचपीको पावर र २७ एनएमको टर्क जेनेरेट गर्छ । यसलाई ५ स्पिड गियरबक्ससँग जोडिएको छ । सो बाइकले ११४ किमी प्रतिघन्टाको गति दिन्छ ।

सो बाइकको वजन १८१ केजी छ । रोयल इन्फिल्ड हन्टर ३५० को धेरै ठाउँमा प्लास्टिकको प्रयोग गरिएको छ साथै फ्रेममा पनि परिवर्तन गरिएको छ र नयाँ अलोय ह्विल दिइएको छ ।

ब्रेकिङको लागि फ्रन्टमा ३०० एमएम डिस्क ब्रेक र रियरमा २७० एमएम डिस्क ब्रेक दिइएको छ । सो बाइकको मेट्रो भेरिएन्टमा ड्युअल च्यानल एबीएस र रेट्रो सिंगल भेरिएन्टमा सिंगल च्यानल एबीएस दिइएको छ । साथै, सस्पेन्सनका लागि फ्रन्टमा टेलिस्कोपिक फोर्क र रियरमा ट्विन सक्स दिइएको छ ।

सो बाइकको ग्राउन्ड क्लियरेन्स १५० एमएम छ । बाइकमा १७ इन्च अलोय ह्विल छ । यसमा ट्युबलेस टायर जडान गरिएको छ । सो बाइकको ह्विलबेस १३७० एमएम छ र सिटको उचाइ ८०० एमएम छ ।

रोयल एनफिल्ड हन्टर ३५०मा गोलाकार एलईडी हेडलाइट, टर्न सिग्नलको साथमा गोलाकार डिजिटल स्पिडोमिटर दिइएको छ ।

साथै, यसको मेट्रो भेरिएन्ट ३ रङमा उपलब्ध छ । सो बाइकले ३६.२ किलोमिटर प्रतिलिटर माइलेज दिने कम्पनीको दाबी छ । कम्पनीले यस बाइकमा अर्बन र सब–अर्बन लगायतका एसेसरिजको विकल्प प्रदान गरिएको छ । सो बाइक भारतमा १ लाख ५० हजार भारुमा लन्च गरिएको छ ।