बाइकको माइलेज स्कुटर भन्दा किन बढी ?

सामान्यतया स्कुटरको माइलेज बाइक भन्दा कम हुन्छ । उदाहरणको लागि होन्डाको १२५ सीसी एक्टिभाले ४७ किमी प्रतिघण्टाको माइलेज दिन्छ भने होन्डाको १२५ सीसी सुपर स्प्लेन्डरले ५७ किमी प्रतिघण्टाको माइलेज दिन्छ । बाइक र स्कुटरको माइलेजमा यति धेरै फरक किन हुन्छ ?

पाङ्ग्राको आकार
बाइक वा स्कुटरको माइलेज ह्विलमा निर्भर रहेको हुन्छ र पाङ्ग्राको आकारको कारणले पनि माइलेजमा असर पारेको हुन्छ । बाइकको पाङ्ग्रा ठुलो हुन्छ भने स्कुटरको पाङ्ग्रा सानो हुन्छ । बाइकको पाङ्ग्राले एक राउण्डमा बढी दूरी तय गर्छ त्यस्तै स्कुटरको पाङ्ग्राले कम दूरी तय गर्छ, जसले गर्दा माइलेजमा फरक असर परेको हुन्छ ।

अटोमेटिक ट्रान्समिसन
स्कुटर र बाइक बीचको ठूलो भिन्नता अटोमेटिक ट्रान्समिसन हो । स्कुटरमा गियर परिवर्तन गर्नु पर्दैन, यसमा ट्रान्समिसन अटोमेटिक हुन्छ । जबकि बाइकमा गियर परिवर्तन गर्न पर्छ । अटोमेटिक ट्रान्समिसनले पनि माइलेजमा प्रभाव पारेको हुन्छ । यही कारणले गर्दा स्कुटरले कम माइलेज दिन्छ र बाइकले बढी ।

इन्जिन
सन् १९९६ भन्दा पहिले स्कुटरमा टु स्ट्रोक इन्जिन प्रयोग गरिन्थ्यो र बाइकमा फोर स्ट्रोक इन्जिन । टु स्ट्रोक इन्जिनले बढी कार्बन मोनोअक्साइड उत्पादन गर्छ र इन्धन जलाउने क्षमता पनि बढी हुन्छ, जबकि फोर स्ट्रोक इन्जिनले कम पेट्रोल प्रयोग गर्छ र प्रदूषण पनि कम गर्छ । स्ट्रोकको कारणले गर्दा पनि स्कुटरले कम माइलेज र बाइकले बढी माइलेज दिन्थ्यो ।