सफारी, ह्यारियर र नेक्सनको टप भेरियन्टमा फिचर्स थप गरेर टाटाले ल्यायो जेट एडिसन

टाटा मोटर्सले आफ्ना तीन लोकप्रिय एसयुभी सफारी, ह्यारिय र नेक्नसनलाई स्पेयसल एडिसनमा उतारेको छ । यी तीन एसयूभीको टप भेरियन्टमा फिचर्स थप गरेर उसले जेट एडिसन ल्याएको हो । जसको लुक्समा कस्मेटिक परिवर्तन समेत गरिएको छ ।

यसअघि डार्क र काजिराङगा एडिसन सार्वजनिक गरिसकेको कम्पनीले यो नयाँ एडिसनमा प्रशस्तै सेफ्टि फिचर्स थप गर्नुको साथै नयाँ पेन्ट स्किम समेत दिएको छ । यसैगरी नेक्सन एसयूभीमा वायरलेस चार्जर समेत दिइएको छ ।

यो नयाँ एडिसन अन्तर्गत नेक्सनको मूल्य १२ लाख १३ हजार भारु निर्धारण गरिएको छ भने ह्यारियरको २० लाख ९० हजार र सफारीको २१ लाख ३५ हजार भारुदेखी शुरु हुने जनाइएको छ । यसको मेकानिकल पक्षमा भने कुनै परिवर्तन गरिएको छैन ।

जेट एडिसनका यी तीनवटै एसयूभीमा व्रोन्ज वडी र सिल्भर रुफ सहितको स्टारलाइट डुअल टोन पेन्ट फिनिस दिइएको छ । यी एसयूभीको फ्रन्ट र रियर दुवै भागमा कालो कलरको एलोइ ह्विल र स्किड प्लेट थप गरिएको छ । इन्टेरियलाई कालो र सेतो रङ सहित डुअल टोन स्किम दिइएको छ ।

फिचर्सको कुरा गर्नुपर्दा सफारी र ह्यारियरमा प्रशस्तै एक्टिभ सेफ्टि फिचर्स थप गएिको छ । यी दुई एसयूभीमा ड्राइभर ड्रोजीनेस अलर्ट, प्यानिक व्रेक अलर्ट र आफ्टर इम्प्याक्ट व्रेकिङ लागत अन्य सेफ्टि फिचर्स थप गरिएको हो । साथै सवै रोमा यूएसवी सी टाइप चार्जर, सफारीमा नयाँ हेड रेस्टरेन्ट्स र ह्यारियरमा इलेक्ट्रोनिक पार्किङ व्रेक एवं सवै चक्कामा डिस्क व्रेक जडान गरिएको छ ।