३ वर्षमा हरेक घन्टा ११ मोडल बिक्री भयो किया सेल्टोस

किया सेल्टोस भारतमा लन्च भएको ३ वर्ष पूरा भएको छ । सो कार लन्च भएदेखि नै राम्रो प्रतिक्रिया पाइरहेको छ । सेल्टोसले आफ्नो सेग्मेन्टमा सबैभन्दा धेरै बिक्री हुने एसयूभीको सूचीमा आफूलाई समावेश गरेको छ ।

सेल्टोस लन्च भएको १ वर्षमै १ लाख युनिट बिक्री भएको थियो । हालै सो एसयूभीले ३ लाख युनिट बिक्रीको आँकडा पनि पार गरेको छ ।

रिपोर्टका अनुसार किया सेल्टोस लन्च भएको ३ वर्ष भित्र हरेक घन्टा ११ युनिट बिक्री हुने गरेको तथ्याङक छ । कियाको बिक्रीमा यसले लगभग ६० प्रतिशत बजार हिस्सा ओगटेको छ । किया सेल्टोसको शीर्ष भेरिएन्ट ५८ प्रतिशत र अटोमेटिक भेरिएन्टको माग २५ प्रतिशत रहेको छ ।

किया सेल्टोस आफ्नो सेग्मेन्टमा ६ एयरब्यागसहित आउने पहिलो कार बनेको छ भने अत्यावश्यक सेफ्टी फिचरमा किया क्यारेन्स पछिको दोस्रो कार बनेको छ । किया सेल्टोस आफ्नो सेगमेन्टमा आईएमटी टेक्नोलोजी ल्याउने पहिलो कार हो ।

कियाले केही महिना अघि सेल्टोस एसयूभीको अपडेटेड भर्सन समेत लन्च गरेको छ ।