दुई ब्रान्डमार्फत महिन्द्राले ५ इलेक्ट्रिक एसयूभी ल्याउने, ग¥यो सार्वजनिक

महिन्द्राले भारतको स्वतन्त्रता दिवसको अवसरमा २ वटा ब्रान्डका ५ वटा इलेक्ट्रिक एसयूभी सार्वजनिक गरेको छ । यसमा सिल्भर ट्विन पिक लोगो भएको एक्सयूभी ब्रान्ड र अल न्यू इलेक्ट्रिक–वान्ली ब्रान्ड बीई समावेश छ ।

महिन्द्राले एक्सयूभी.ई८, एक्सयूभी.ई९, बीई.०५, बीई.०७ र बीई.०९ सार्वजनिक गरेको हो । सो एसयूभी इङलो ईभी प्लेटफर्ममा आधारित छ । साथै महिन्द्राले इलेक्ट्रिक मोबिलिटीको भविष्यका लागि आफ्नो भिजन पनि प्रस्तुत गरेको छ । यी मध्ये पहिलो चार ई–एसयूभी २०२४ र २०२६ को बीचमा लन्च हुनेछ ।

कम्पनीले २०२७ सम्ममा आफ्नो पोर्टफोलियोको एक चौथाइ एसयूभी इलेक्ट्रिक हुने अपेक्षा गरेको छ । सो एसयूभीमा डायनामिक इनोभेशनका साथ भविष्यको डिजाइन हुनेछ ।

इङलो ईभी प्लेटफर्ममा सबैभन्दा हल्का स्केटबोर्ड र क्लास लिडिङ उच्च ऊर्जा–घनत्व भएको ब्याट्री मध्ये एक हो । उक्त प्लेटफर्मले प्रगतिशील ब्याट्री टेक्नोलोजी, प्लेटफर्म आर्किटेक्चर, ब्रेन पावर र ह्युमन मेसिन इन्टरफेस प्रयोग गर्छ ।

भविष्यमा महिन्द्राका इलेक्ट्रिक गाडी इङलो प्लेटफर्ममा निर्माण हुनेछ । सो प्लेटफर्मले सेफ्टी स्ट्यान्डर्ड, रेन्ज र एफिसियन्सी प्रदान गर्छ । यसले फ्युचरिस्टिक, अग्मेन्टेड रियालिटी–सक्षम हेड–अप डिस्प्ले, एज–टु–एज स्क्रिन, ५जी नेटवर्क क्षमता र ओभर–द–एयर अपडेट बढाउन मदत गर्छ ।