स्पोर्टी लुक र हाइटेक फिचर सहित आयो वागनआर फेसलिफ्ट मारुती सुजुकीको नयाँ मोडल

२०२३ सुजुकी वागन आर फेसलिफ्ट अपडेट डिजाइन, स्पोर्टी लुक र हाइटेक फिचर सहित जापानमा लन्च गरिएको छ । सो मोडल नेपाल वा भारतको मोडल भन्दा फरक छ ।

सुजुकीले जापानमा वागन आरको ३ भेरिएन्ट वागन आर, वागन आर कस्टम जेड र वागन आर स्टिंग्रे लन्च गरेको छ । स्ट्यान्डर्ड वागन आरमा स्ट्यान्डर्ड हलोजन हेडल्याम्प उपलब्ध छ ।

जापानमा २०२३ सुजुकी वागन आर फेसलिफ्ट १२ लाख १७ हजार ७०० येन देखि १५ लाख ९ हजार २०० येन, वागनआर स्टिंग्रे १६ लाख ८८ हजार ५०० येन देखि १८ लाख ११ हजार ७०० येन र कस्टम जेड मोडल १४ लाख ७४ हजार येन देखि १७ लाख ५६ हजार ७०० येनसम्म उपलब्ध छ ।

नयाँ २०२३ मारुती सुजुकी वागन आरमा बक्सी डिजाइन दिइएको छ । यसको ग्रिल र टेलगेटमा पनि परिवर्तन गरिएको छ । स्टिंग्रे भेरिएन्टको लुक आक्रामक देखिएको छ भने कस्टम जेड वागन आर र वागन आर सिम्पल देखिन्छ । सो ३ वटै भेरिएन्टको रियर र साइड प्रोफाइल लगभग समान छ ।

नयाँ मोडलको इन्टेरियर पुरानो मोडलको जस्तै छ । इन्फोटेनमेन्ट स्क्रिन पनि मारुती सुजुकीका नयाँ कार बलेनो र ब्रेजामा जस्तै ९ इन्चको छ । सेफ्टीको लागि भने स्टिंग्रेमा एचयूडी, एडीएएस र ३६० डिग्री पार्किङ फिचर समावेश गरिएको छ ।

जापानमा लन्च गरिएको वागन आरमा ६६० सीसीको मोटर समावेश गरिएको छ, जुन पेट्रोल र माइल्ड हाइब्रिड कन्फिगरेसन दुवैमा उपलब्ध छ । यस इन्जिनको टर्बो भर्सन स्टिंग्रे र कस्टम जेडमा उपलब्ध छ । ट्रान्समिसनको लागि ५ स्पिड एमटी र सीभीटी समावेश छ । सीभीटी गियरबक्सको साथमा माइल्ड हाइब्रिड पावरट्रेनले २५.२ किलोमिटर प्रति लिटरको माइलेज दिन्छ ।

मारुती सुजुकी वागन आर २०२३ अर्को वर्षको अन्त्यमा भारतमा लन्च हुने अपेक्षा गरिएको छ । भारतमा लन्च हुने मोडलमा भने केही परिवर्तन हुने अनुमान गरिएको छ । साथै यसको फिचर पनि परिवर्तन गरिने छ ।