प्यानोरमिक सनरुफ, ६ एयरब्याग र उत्कृष्ट फिचर सहित आउदै किया सेल्टोस

२०२२ किया सेल्टोस फेसलिफ्ट दक्षिण कोरियामा लन्च भएको छ । मिडिया रिपोर्टका अनुसार सो कार अर्को महिना भारतमा लन्च गर्ने सम्भावना रहेको छ । यद्यपि भारतको मोडल कोरियाको मोडलभन्दा अलि फरक हुनेछ । नयाँ किया सेल्टोस फेसलिफ्टमा हालको मोडलको इन्जिन प्रयोग हुने सम्भावना छ । भारतीय मोडलमा केही कस्मेटिक परिवर्तन हुनेछ । नेपाली बजारमा पनि त्यही अनुसार भविष्यमा उपलब्ध हुनेछ ।

रिपोर्टका अनुसार सेल्टोस फेसलिफ्ट भारतमा प्यानोरामिक सनरुफ र ६ वटा एयरब्यागको साथ लन्च हुन सक्छ । भारतमा ८ जनासम्म यात्रु बोक्न सक्ने सबै कारमा ६ वटा एयरब्याग राख्नु पर्ने नियम छ । किया मोटर्सले हालसम्म भारतमा ५ लाख युनिट बिक्री गरिसकेको छ ।

किया मोटर्स भारतमा सन् २०१९ मा प्रवेश गरेको थियो । किया सेल्टोस अगस्त २०१९ मा लन्च गरिएको थियो । किया सेल्टोस भारतमा सबैभन्दा धेरै बिक्री हुने एसयूभी मध्ये एक हो ।

सेल्टोसले पछिल्लो ३ वर्षमा धेरै परिवर्तन गरेको छ र यसको लाइनअपमा केही नयाँ भेरिएन्टहरू पनि थपेको छ । नयाँ किया सेल्टोस भारतमा लन्चिङ पछि हुन्डाई क्रेटा, फक्सवागन टाइगुन, स्कोडा कुशाक र एमजी एस्टोर जस्ता लोकप्रिय कारसँग प्रतिस्पर्धा गर्नेछ ।