भारतमा बनेका १० कार निर्यातमा उत्कृष्ट : एस–प्रेसो पहिलो नम्बरमा

भारत कार निर्माताहरूको लागि ठूलो उत्पादन केन्द्र हो । भारतमा निर्माण गरेका कार अन्य देशमा पनि निर्यात हुने गर्छ । भारतमा प्रत्येक महिना कार कम्पनीले निर्यात तथ्याङ्क सार्वजनिक गर्छन् । गत महिना अर्थात् जुनमा मारुती सुजुकीको इन्ट्री–लेभल ह्याचब्याक मारुती एस–प्रेसो सबैभन्दा बढी निर्यात भएको थियो ।

जुन २०२२ मा मारुती सुजुकी एस–प्रेसोले सबैभन्दा धेरै युनिट निर्यात ग¥यो । सो एसयुभी ६ हजार ९ सय ५० युनिट निर्यात भएको थियो भने किया सेल्टोस ४ हजार ३ सय ६ युनिट निर्यात भएको थियो ।

तेस्रो नम्बरमा निसान सन्नी रहेको थियो जसको कुल ४ हजार १ सय ७० युनिट निर्यात गरिएको थियो । हुन्डाई ग्रान्ड आई१० निओसले कुल ३ हजार ९ सय ७६ युनिट निर्यात गरेको थियो । मारुती स्विफ्ट गत महिना कुल ३ हजार ७ सय ५४ युनिट निर्यात भएको थियो ।

जुन २०२२ को कार निर्यात सूचीमा ब्रेजाले कुल ३ हजार ६ सय ९ युनिट निर्यात गरेको थियो । यसपछि हुन्डाईको लक्जरी सेडान भर्नाले कुल ३ हजार ४८ युनिट निर्यात गरेको थियो । त्यस्तै गरी किया सोनेटले २ हजार ९ सय ९७ युनिट र मारुती डिजायरले २ हजार ७ सय ७ युनिट निर्यात गरेका गरेका छन् । हुन्डाई औरा १० नम्बरमा रह्यो र कुल २ हजार ४ सय ९९ युनिट निर्यात गरेको थियो ।