मासिक ६ हजार किस्तामा यामाहा रे–जेडआर १२५ एफआई

यामाहा मोटरसाइकल तथा स्कुटरको आधिकारिक विक्रेता एमएडव्लु इन्टरप्राइजेजले सरल किस्तावन्दिमा रे–जेडआर स्कुटर खरिद गर्न सकिने स्किम ल्याएको छ । उक्त स्किम अन्तर्गत रे–जेडआर १२५ एफआई स्कुटरलाई ४० प्रतिशत रकम डाउनपेमेन्ट वापत भुक्तानी गरेपछि वाँकी हुन आउने ६० प्रतिशत रकमलाई मासिक ५ हजार ९ सय ४१ रुपैयाँका दरले किस्तावन्दिमा भुक्तानी गर्न सकिनेछ ।

यो स्किममा स्कुटर खरिद गर्न चाहने ग्राहकलाई १८, २४ र ३० महिनाको स्किम उपलव्ध गराइएको छ । जसमध्ये ३० महिनाभित्र भुक्तानी गर्न चाहने ग्राहकले ६ हजार रुपैयाँका दरले हरेक महिना किस्ता तिर्नुपर्ने देखिएको हो । २४ महिनाको स्किममा ७ हजार १ सय ६ र १८ महिनाकोमा ९ हजार १ सय ५० रुपैयाँ किस्ता तिर्नुपर्ने छ ।

यो स्कुटरको मूल्य २ लाख ८९ हजार ९ सय रुपैयाँ निर्धारण गरिएकोमा ४० प्रतिशत डाउनपेमेन्ट वापत हुन आउने १ लाख १६ हजार रुपैयाँ भने नगद नै भुक्तानी गर्नुपर्ने छ । वाँकी हुन आउने रकमलाई ३० महिनसम्म किस्तावन्दिमा भुक्तानी गर्न सकिनेछ ।

१२५ सिसी सेग्मेन्टमा सर्बाधिक रुचाइएको यो स्कुटरले प्रतिलिटर इन्धनको खपतमा ५८ किलोमिटर माइलेज प्रदान गर्ने दावी गरिएको छ । स्कुटरमा अंग्रेजी अक्षर ‘वाई’ आकारको एलइडी लाइट, नयाँ डिजिटल इन्स्ट्रयुमेन्ट क्लस्टर, स्टप एन्ड स्टार्ट सिस्टम, क्वाइट स्टार्ट–अपका लागि स्मार्ट मोटर जेनेरेटर, साइड स्ट्यान्ड इन्जिन कट–अफ स्विच र युनिफाइड ब्रेकिङ सिस्टमजस्ता आधुनिक र सुविधाजनक फिचर उपलब्ध छ ।

कम्पनीले यसअघि एफजेड भी२ मा पनि यस्तै प्रकारको स्किम ल्याएको थियो । ३ लाख २३ हजार ९ सय रुपैयाँ निर्धारण गरिएको यो मोटरसाइकलका लागी ४० प्रतिशत डाउन पेमेन्टवापत हुने आउने रकम १ लाख २९ हजार ५६० रुपैयाँ भुक्तानी गरेपछि वाँकी हुन आउने रकमलाई ३० महिनासम्म ७ हजार ३४८ रुपैयाँको दरले किस्ता तिर्न सकिने व्यवस्था मिलाइएको छ ।