स्याकार ट्रेडिङ कम्पनी टाटाग्रिन व्याट्रीको ओइएम वितरकमा नियुक्त

होन्डा मोटरसाइकल तथा स्कुटर र गाडीको नेपालका लागि आधिकारिक वितरक स्याकार ट्रेडिङ कम्पनी व्याट्रीको कारोवारमा समेत प्रवेश गरेको छ । यो कम्पनीलाई भारतीय व्याट्री उत्पादक टाटा अटो कम्प जीवाई व्याट्रि प्रालिले नेपालका लागी ओइएम वितरकका रुपमा नियुक्त गरेको हो । यससंगै स्याकार ट्रेडिङले होन्डा मोटरसाइकल तथा स्कुटर, होन्डा कार र होन्डा पवार प्रोडक्टका लागी यो व्याट्रीको कारोवार देशभर गर्नेछ ।

हिजो आयोजित एक कार्यक्रममा वोल्दै टाटा ग्रिन व्याट्रीका सिइओ रवि गुप्ताले यो व्रान्डको टु ह्विलर व्याट्री भारतमा उत्पादन हुने अधिकांश टु ह्विलरमा ओइएम सप्लाई हुँदै आएको र जसको ठूलो हिस्सा होन्डा मोटरसाइकल तथा स्कुटरले ओगट्ने बताए । उनले भने, ‘भारतमा होन्डा सहित टिभिएस, यामाहा, जावा, सुजुकी र पियाजिओ ब्रान्डमा टाटा ग्रिन व्याट्री ओइएम सप्लाई हुँदै आइरहेको छ । नेपाली बजारमा समेत होन्डा मोटरसाइकल तथा स्कुटर सर्बाधिक विक्री हुने ब्रान्ड भएका कारण स्याकार ट्रेडिङसंगको सहकार्यले यहाँ बजार विस्तार गर्न थप वल पुग्नेछ ।’

कार्यक्रममा स्याकार ट्रेडिङ कम्पनीका चेयरम्यान सौरभ ज्योतीले आफू मातहत संचालन भैरहेका १५० भन्दा बढी डिलर नेटवर्कमार्फत यो व्याट्रीको कारोवार फैलाउने बताए । उनले भने, ‘व्याट्रीको विक्री संगै विक्री पछिको सेवामा समेत उचित ध्यान दिँदै नेपालमा यो ब्रान्डको बजार स्थापित गरिनेछ ।’

विगत लामो समयदेखी नेपालमा कारोबार हुँदै आइरहेको टाटा ग्रिन व्याट्रीलाई हाल लक्ष्मी ग्रुप अन्तर्गतको लक्ष्मी अटोकम्प र केके इम्पेक्स प्रालिले समेत आयत गरी कारोवार गर्दै आइरहेको छ । जापनिज कम्पनी जिएस युआसासंगको सहकार्यमा उत्पादन हुँदै आइरहेको यो व्रान्डसंग टु ह्विलरदेखी फोर ह्विलर, कमर्सियल र इन्भर्टमा प्रयोग हुने विभिन्न रेन्जका व्याट्री उपलब्ध छ ।