जनकपुरमा खुल्यो लेभ्निङ इलेक्ट्रिकको शोरुम, जनकपुरलाई इलेक्ट्रिक भेइकल सहर घोषणा

जनकपुर – जनकपुरको विश्वकर्मा चोकमा एक कार्यक्रमका बीच पत्रकार सम्मेलन सहित लेभ्निङ इलेक्ट्रिक स्कुटरको शोरुम उद्घाटन गरिएको छ । मिस इन्टरनेसनल २०१७ को विजयी नीति शाह र जनकपुर उपमहानगरपालिकाका मेयर मनोज साह तथा बज्र ग्रुपका असिस्टेन्ट जनरल म्यानेजर एनके शरदले संयुक्त रुपमा शोरुम र प्रोडक्ट को उद्घाटन गरे ।

नेपालमा लेभ्निङको आधिकारिक वितरक बज्र ग्रुप अन्तर्गतको ईभी मोटर्स अन्तर्गत जनकपुरको विक्रेता इन्द्रेणी अटोमोबाइल घोषणा भएको छ । यससँगै नेपालभर लेभ्निङका २५ वटा आधिकारिक विक्रेता भएका छन् ।

कार्यक्रमका प्रमुख अतिथि जनकपुर उपमहानगरपालिकाका मेयर मनोज साहले पेट्रोलको भाउ दिन दिनै आकाश छुने गरी महँगो भएको बेला बिजुली बाइकले जनकपुरवासीलाई धेरै सहयोग पुग्ने बताए । उनले पेट्रोलबाट चल्ने साधन किन्दा लाग्ने वार्षिक ९५ हजार सर्भिसिङ र पेट्रोलको खर्च पनि बचत हुने र वातावरण प्रदूषण कम हुने भएकोले गर्दा बिजुली स्कुटर एकदम राम्रो मानिने र जनकपुरलाई इलेक्ट्रिक भेइकल सहर भनेर घोषणा गरेको बताए ।

सो अवसरमा नीति शाहले नेपालमा भएको इलेक्ट्रिक स्कुटर मध्ये सबै भन्दा विश्वासिलो र भरपर्दो साथै सबै प्रोडक्ट रेन्ज भएको जर्मन कम्पनीको टेक्नोलोजी भएको स्कुटर भएकोले ढुक्कसँग प्रयोग गर्न सकिने बताइन् । उनले भनिन्, ‘पेट्रोलको महंगीको बेला इलेक्ट्रिक कम खर्चिलो साथै नेपालको बिजुली नेपालमै प्रयोग हुने र पेट्रोल किन्नु नपर्ने हुदा नेपाली पैसा बाहिरको देशमा नजाने कुरा बताइन् ।

बज्र ग्रुपका असिस्टेन्ट जनरल म्यानेजर एनके शरदले नेपालमा इलेक्ट्रिक भेइकल अभियन्ताको रुपमा बज्र ग्रुपले कार्य थालेको र त्यसै अनुसार जनकपुरमा शोरुम शुुभारम्भ गरिएको बताए । उनले आगामी दिनमा जनकपुरको सबै अस्तव्यस्त अवस्थालाई इलेक्ट्रिक भेइकलले समाधान गर्ने बताए ।

कार्यक्रमका सभापति इन्द्रेणी अटोमोबाइलका संचालक रामनाथ साहले जनकपुर इलेक्ट्रिक सहर घोषणा भएको बताउदै लेभ्निङ ब्राण्ड किनेर सेवा गर्ने मौका दिन अनुरोध गरे ।

लामो समय देखि विश्व प्रसिद्ध ब्रान्ड बोसको टेक्नोलोजीबाट निर्मित, सामसुङ ब्रान्डको लिथियम आयोन ब्याट्री प्रयोग भएको लेभ्निङका इलेक्ट्रिक स्कुटर गुणस्तरीय भएको कम्पनीको भनाइ छ ।

हाल नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् । यी स्कुटरको मूल्य १ लाख १० हजार देखि ५ लाख ५९ हजार रुपैयाँ सम्म छ ।