डेब्यु पहिले थोरै झलक देखियो मारुती सुजुकी ग्रान्ड भिटारा एसयूभी

मारुती सुजुकी ग्रान्ड भिटारा मिडसाइज एसयूभी जुलाई २० मा लन्च हुने भएको छ । सो भन्दा पहिले कम्पनीले यसको केही झलक देखाएको छ ।

ग्रान्ड भिटारालाई नेक्सा डिलरशिपमा ११ हजार भारुको टोकन रकम तिरेर बुक गर्न सकिन्छ । सो एसयूभीले हुन्डाई क्रेटा, किया सेल्टोस र स्कोडा कुशाकसँग प्रतिस्पर्धा गर्नेछ ।

मारुती सुजुकी ग्रान्ड भिटारा एसयूभी सुजुकीको ग्लोबल–सी प्लेटफर्ममा आधारित हुनेछ । टोयोटाको नयाँ मिडसाइज एसयूभी अर्बन क्रुजर हाइराइडर पनि यही प्लेटफर्ममा तयार गरिएको छ । मारुती भिटारा कर्नाटकको टोयोटाको बिदादी प्लान्टमा निर्माण हुनेछ ।

मिडिया रिपोर्टका अनुसार मारुती सुजुकी ग्रान्ड भिटारामा वायरलेस कनेक्टिभिटी, एम्बियन्ट लाइटिङ, भेन्टिलेटेड सिट, भ्वाइस असिस्ट, हेड–अप डिस्प्ले, कनेक्टेड कार टेक्नोलोजी, प्यानोरोमिक सनरुफ, ३६० डिग्री क्यामेरासहित ९ इन्चको टचस्क्रिन इन्फोटेनमेन्ट सिस्टम, क्रुज कन्ट्रोल, ६ एयरब्याग र हिल डिसेन्ट कन्ट्रोल लगायतका धेरै फिचर हुनेछ ।

मारुती सुजुकी ग्रान्ड भिटारामा १.५ लिटर के१५सी डुअलजेट पेट्रोल इन्जिन र टोयोटाको १.५ लिटर टीएनजीए पेट्रोल इन्जिन उपलब्ध हुनेछ । सो इन्जिन हल्का र बलियो हाइब्रिड टेक्नोलोजीले सुसज्जित हुनेछ । सो एसयूभीमा ५ स्पिड म्यानुअल र ६ स्पिड टर्क कन्भर्टर अटोमेटिक ट्रान्समिसन विकल्प हुनेछ ।

मारुती सुजुकीले नयाँ मिडसाइज एसयूभी ग्रान्ड भिटाराको मूल्य १० लाख भारुभन्दा बढी राख्ने सम्भावना छ, यद्यपि कम्पनीले यसको मूल्य आउँदो महिना मात्र खुलासा गर्नेछ । यो नेक्सा शोरुममा बिक्री हुनेछ र भिटाराले भारतमा एस–क्रसलाई प्रतिस्थापन गर्नेछ ।