यस्ता हुनेछन् कार, जिप, डेलिभरी भ्यानका लागि लिइने लिखित परीक्षाका प्रश्न

काठमाडौं – वर्ग ख अर्थात कार, जिप, डेलिभरी भ्यानको सवारी चालक अनुमति पत्रका लागि अंग्रेजी माध्यमबाट लिइने लिखित परीक्षाको वस्तुगत प्रश्नोत्तर संग्रह यातायात व्यवस्था विभागले सार्वजनिक गरेको छ ।

सबै प्रश्न र तिनका उत्तरहरु यहाँ हेर्न सकिन्छ ।

विभागको वेबसाइटमा उपलब्ध ५ सय प्रश्नपत्र मध्येबाटै प्रश्नहरु सोधिने छ । ३० मिनेट समयमा प्रश्नको उत्तर दिइसक्नु पर्नेछ भने पास हुनका लागि ६० अंक लिनु पर्नेछ ।

सबै गरी २५ वटा प्रश्न सोधिने छ । ती मध्ये ड्राइभिङ सम्बन्धी ज्ञानबाट ६ वटा, यातायात कानुन वा ऐनबाट ५ वटा, सवारी साधनको प्राविधिक वा मेकानिकल ज्ञानबाट ३ वटा, वातावरण प्रदूषण सम्बन्धी धारणाबाट २ वटा, सवारी दुर्घटना सम्बन्धी जनचेतनाबाट ३ वटा र ट्राफिक संकेत सम्बन्धी ज्ञानबाट ६ वटा प्रश्न सोधिने छ ।