क्र्यास टेष्टमा किया क्यारेन्सले पायो ३ स्टार रेटिङ

ग्लोवल एनक्यापले भारतमा गरेको सेफ्टि टेष्टमा किया क्यारेन्सले ३ स्टार रेटिङ हात पारको छ । ६ वटा एयर व्याग र प्राय सम्पूर्ण आधारभुत सेफ्टि फिचर्स दिइएको यो ७ सिटर एसयुभीले क्र्यास टेष्टमा निकै नै फितलो नतिजा हात पारेपछि उक्त टेष्ट आयोजना गर्ने संस्था ग्लोवल एनक्याप नै अचम्मित वनेको छ । क्यारेन्सले एडल्ट र चाइल्ड दुवै क्याटेयोरीमा उक्त रेटिङ पाएको हो ।

कियाको चर्चित एसयुभी सेल्टोसको प्लेटफर्ममा निर्माण गरिएको यो एसयुभीले हाँसिल गरेको नतिजा सेल्टोसकै तुलनमा भने केही मजवुत देखिएको छ । ३ वर्षअघि गरिएको उक्त टेष्टमा सेल्टोसले एडल्ट क्याटेगोरीमा जम्मा ८.०३ अंक हासिल गर्दै ३ स्टार रेटिङ हात पारेको थियो । जुन क्यारेन्सले हाँसिल गरेको ९.३० अंकभन्दा कम हो ।

यसैगरी चाइल्ड क्याटेगोरीमा जम्मा १५ अंक पाउँदै २ स्टार रेटिङ पाएको सेल्टोसको तुलनामा क्यारेन्सले ३१ प्वाइन्ट पाउँदै यो विधामा समेत ३ स्टार कै रेटिङ प्राप्त गरेको छ । क्यारेन्सलाई ६४ किलोमिटर प्रतिघन्टाको गतिमा टेष्ट गर्दा नै यसको वडी सेल अस्थिर वनेको थियो ।

भारतीय बजारमा निकै नै लोकप्रिय वनिरहेको यो गाडीमा ६ वटा एयर व्याग सहित इएससी, सिटवेल्ट प्रिटेन्स्नर्स, एविएस, अल ह्विल डिस्क व्रेक, व्रेक असिस्ट सिस्टम र टायर प्रेसर मोनिटरिङ सिस्टम लगायत अन्य सम्पूर्ण वेसिक फिचर्स उपलब्ध गराएको थियो । सेल्टोसको तुनलामा धेरै नै सेफ्टि फिचर्स थप गरिएका कारण यसले क्र्यास टेष्टमा राम्रो रेटिङ पाउने अपेक्षा किया मोटर्सले गरेको थियो ।