लाइसेन्सका लागि अनलाइन आवेदन गर्दा एउटै मोबाइल नम्बर प्रयोग गर्न अनुरोध (सूचना सहित)

काठमाडौं – सवारी चालक अनुमति पत्रका लागि अनलाइन आवेदन भर्दा एउटै आवेदकले फरक फरक प्रोफाइल बनाएको र फरक फरक मोबाइल नम्बर प्रयोग गरिएकाले त्यसो नगर्न यातायात व्यवस्था विभागले अनुरोध गरेको छ ।

अनलाइन प्रोफाइल बनाउने क्रममा फारम भर्दा कुनै त्रुटि भएको भए नजिकको यातायात व्यवस्था कार्यालयमा गई त्रुटिपूर्ण विवरण हटाएर फेरि नयाँ विवरण भर्न समेत विभागले अनुरोध गरेको छ ।

यातायात व्यवस्था विभागले हाल अनलाइन रुपमै ड्राइभिङ लाइसेन्सका लागि आवेदन दिन सकिने व्यवस्था गरेको छ । पहिले आफूले आवेदन दिइसके पश्चात आफूले रोजेको मिति र कार्यालयमा सम्पर्क राखेर परीक्षा र ट्रायल दिन सकिने व्यवस्था छ ।