बजाजको अर्को पल्सर आउने सम्भावना

टु–ह्विल निर्माता कम्पनी बजाजले नयाँ बाइक लन्च गर्ने भएको छ । मिडिया रिपोर्टका अनुसार कम्पनीले नयाँ जेनेरेशनको पल्सर एन१६० बजारमा ल्याउने सम्भावना छ । केही साताभित्र यसको घोषणा हुने विश्वास गरिएको छ । सो बाइकको परीक्षण भइरहेको छ ।

कम्पनीले नयाँ पल्सरको टिजर सार्वजनिक गरेको छ, जसमा यो मोडल दोस्रो मोडलको रूपमा आउने स्पष्ट देखिन्छ । कम्पनीले ‘ग्रहण हेर्नका लागि तयार रहनुस्’ भन्ने ट्यागलाइनको साथ चन्द्रमाको तस्विर शेयर गरेको छ ।

यसमा प्रयोग गरिएको इक्ल्प्सि, पल्सर २५० आदि ह्यासट्यागका आधारमा नयाँ बाइक पल्सर २५० को कुनै भर्सन हुने वा इक्ल्प्सि नाममै आउने हो कि भन्ने अनुमान पनि गरिएको छ । त्यसैगरी पहिले उपलब्ध पल्सर २५० कुनै नयाँ कलरमा आउने हो कि पनि भनिएको छ । यद्यपि कम्पनीले आधिकारिक रुपमा यसको वारेमा अझै केही जानकारी नदिएकोले अझै अन्यौल भने छ ।

पल्सर एन१६० को परीक्षण भइरहेकाले बजाजले सानो मोडलको रुपमा यही बाइक ल्याउन लागेको अनुमान पनि गरिएको छ । नयाँ बाइकको डिजाइनको बारेमा कुरा गर्दा पल्सर एन१६० पल्सर एन२५० को तुलनामा धेरै मिल्दोजुल्दो स्टाइलिङ मोडल हुन सक्छ । यद्यपि, यसमा सानो इन्जिन साइज र २५० को साइड–स्लङ्ग एन्ड–क्यानको विपरीत एक अण्डरबेली एक्जस्ट युनिट प्रयोग गरिने छ ।

नयाँ बाइकमा पल्सर एनएस१६० मा जस्तै इन्जिन हुनेछ । यद्यपि कम्पनीले अधिक पावर र टर्कको लागि पावरट्रेन परिवर्तन गर्न सक्छ । यसमा एनएस१६०–सोर्स १६०.२ सीसी मोटर हुने सम्भावना छ, जसले ९००० आरपीएममा १७.२ पीएसको पावर र ७२५० आरपीएममा १४.६ एनएम टर्क जेनेरेट गर्छ । यसको इन्जिनलाई ५ स्पिड ट्रान्समिसनमा जोड्न सकिन्छ ।