टीभीएसको नयाँ स्किम : दुई वर्ष सम्म रोड ट्याक्स फ्रि

काठमाडौं – टीभीएसको कुनै पनि मोटरसाइकल वा स्कुटर किन्दा दुई वर्ष सम्म रोड ट्याक्स तिर्नु नपर्ने भएको छ । नेपालका लागि टीभीएसको आधिकारिक वितरक जगदम्बा मोटर्सले हालै यो स्किम सार्वजनिक गरेको हो ।

कम्पनीले ‘टीभीएसको साथ, दुई वर्षको लागि नो रोड ट्याक्स’ नामक अफर सार्वजनिक गरेको हो । सामान्यतः एक वर्षको रोड ट्याक्स धेरै कम्पनीहरुले निःशुल्क गर्ने भए पनि दुई वर्षको ट्याक्स नै टीभीएसले आफै तिरिदिएर निःशुल्क गर्ने भएको हो ।

कुनै पनि मोटरसाइकल वा स्कुटरले वार्षिक रुपमा सडक दस्तुर अर्थात रोड ट्याक्स तिर्नु पर्छ ।

जगदम्बा मोटर्सले हाल टीभीएसका कुनै पनि शोरुमबाट ४० प्रतिशत सम्म रकम डाउन पेमेन्ट गरी शून्य प्रतिशत ब्याजदरमा १८ महिना सम्म किस्ता तिर्न सकिने गरी कुनै पनि मोटरसाइकल वा स्कुटर लिन सकिने सुविधा उपलब्ध गराइरहेको छ । यसका लागि फाइनान्सको सुविधा समेत उपलब्ध भएको कम्पनीको भनाइ छ ।