किया सेल्टोस फेसलिफ्ट आउँदै, देखियो परीक्षणमा

किया मोटर्सले २०१९ मा सेल्टोसको साथमा भारतीय बजारमा पहिलो पटक प्रवेश गरेको थियो । यो एसयूभीले भारतमा लन्च भएदेखि बिक्रीमा उत्कृष्ट सफलता हासिल गरेको छ । किया सेल्टोसको मिडलाइफ फेसलिफ्ट अपडेट गरिएको भर्सन छिट्टै भारतमा लन्च हुने भएको छ ।

किया सेल्टोस फेसलिफ्ट हालै परीक्षणको समयमा देखा परेको छ । अपडेट सेल्टोसको डिजाइन गोप्य राख्नको लागि परीक्षण मोडेल पूर्ण रूपमा कभर गरिएको थियो । यसको सिल्हुट हालको किया सेल्टोससँग मिल्दोजुल्दो थियो, यद्यपि स्टाइलमा केही परिवर्तन हुने अपेक्षा गरिएको छ ।

सो एसयूभीमा अपडेट गरिएको नयाँ फ्रन्ट डिजाइन देख्न सकिन्छ साथै हेडलाइट र टेललाइटको साथै बम्पर पनि रिडिजाइन गरिएको छ । फेसलिफ्टेड सेल्टोसको इन्टेरियरको बारेमा कुनै खुलासा गरिएको छैन । यसको अपहोल्स्ट्री र नयाँ इन्स्ट्रयुमेन्ट कन्सोल पनि अपडेट गरिएको छ ।

रिपोर्टका अनुसार किया सेल्टोस फेसलिफ्टमा प्यानोरामिक सनरुफ उपलब्ध हुनेछ । यसको साथै कनेक्टेड कार सिस्टम पनि अपडेट गर्नेछ ।

रिपोर्टका अनुसार अपडेट कियामा हाइब्रिड पावरट्रेन विकल्पको रुपमा डिजेल इन्जिन जोडिनेछ । तर १.५ लिटर टर्बोचार्ज डिजेल इन्जिन पनि भारतीय बजारमा कायम हुनेछ । सेल्टोसमा अन्य २ इन्जिन १.५ लिटर एनए पेट्रोल र १.४ लिटर टर्बो–पेट्रोल पनि कायम रहनेछ ।

किया सेल्टोस फेसलिफ्ट सम्भवतः यो वर्षको अन्त्यमा वा अर्को वर्षको सुरुमा भारतीय बजारमा लन्च हुने सम्भावना छ । यो हालको भर्सन भन्दा अलि महँगो हुनेछ ।

किया सेल्टोस नेपाली बजारमा समेत निकै नै लोकप्रिय मोडल हो । अपडेट पश्चात यो कार नेपाली बजारमा समेत आउने अनुमान गर्न सकिन्छ ।