नयाँ ब्रेजाको लन्च हुने मिति तय, यस्तो छ जुन ३० मा लन्च हुने यो एसयुभी

सव फोर मिटर एसयुभीमा सर्बाधिक लोकप्रिय भिटरा ब्रेजाको अपडेटेड मोडल यहि महिनाको ३० तारिखमा लन्च हुने भएको छ । मारुती सुजुकीले यो नयाँ जेनेरेसनको एसयुभीलाई यसअघिको नाम भिटारा ब्रेजाबाट भिटरा शव्द हटाएर ब्रेजाको नाममा लच्न गर्न लागेको हो ।

नयाँ जेनेरेसनको ब्रेजा परीक्षणका क्रममा यसअघि पटक–पटक देखिएको थियो । कारमा बलेनो जस्तै नयाँ फ्रन्ट फेसिया दिइएको छ र रियरमा केही परिवर्तन गरिएको छ । यसलाई ग्लोबल सी प्लेटफर्मद्वारा जारी राखिनेछ, जसले सो कारलाई ग्लोबल एनक्याप क्रयास टेस्टमा ५ स्टार प्राप्त गर्न मद्दत गर्नेछ ।

नयाँ ब्रेजामा नयाँ डिजाइन गरिएको स्लिकर एलईडी हेडलाइट, नयाँ एलईडी डीआरएल, क्लिभर बोनेट, नयाँ १६ इन्चको टु–टोन अलोय ह्विल, अपडेट गरिएको एलईडी टेललाइट र टेलगेटसहितको फ्रन्ट ग्रिल सेक्शन समावेश गरिएको छ । कारको फ्रन्ट र रियर बम्पर र नयाँ बडी प्यानल आदि अपडेट गरिएको छ ।

नयाँ जेनेरेसन मारुती सुजुकी ब्रेजाको इन्टेरियर पूर्ण अपडेट गरिने छ । सो कारमा हेड अप डिस्प्ले सहितको सेन्टर कन्सोल, अपडेटेड इन्स्ट्रयुमेन्ट कन्सोल, एप्पल कारप्ले र एन्ड्रोइड अटोको साथ फ्लोटिङ ९ इन्च स्मार्टप्ले प्रो प्लस टचस्क्रिन इन्फोटेनमेन्ट सिस्टम, कनेक्टिभ टेक, सनरुफ, ३६० डिग्री क्यामेरा, फ्ल्याट बटम स्टेयरिङ ह्विल, ६ एयरब्याग, हिल होल्ड फंक्सन, क्रुज कन्ट्रोल, पुश बटन स्टार्ट÷स्टप समावेश गरिनेछ ।

नयाँ मारुती सुजुकी ब्रेजामा माइल्ड हाइब्रिड प्रविधिको साथै १.५ लिटर, ४ सिलिन्डर, के१५सी डुअलजेट पेट्रोल इन्जिन समावेश गरिनेछ, जसमा ५ स्पिड म्यानुअल ट्रान्समिसन र प्याडल सिफ्टरको साथमा नयाँ ६ स्पिड अटोमेटिक गियरबक्स हुनेछ ।