२०२२ मोडलका याडिया इलेक्ट्रिक स्कुटर नेपालमा, १५ हजार नगद छुट र ६ एसेसरिज निःशुल्क

काठमाडौं – नेपाली बजारमा याडियाका २०२२ मोडलका इलेक्ट्रिक स्कुटर भित्रिएका छन् । नेपालका लागि कुजु नेपाल प्रालिले यी स्कुटर भित्र्याएको हो ।

नयाँ मोडलसँगै कम्पनीले स्पेसल स्प्रिङ अफर समेत ल्याएको छ । यस अनुसार सबै मोडलमा १५ हजार रुपैयाँ नगद छुट उपलब्ध हुनेछ । त्यसैगरी हेल्मेट, कि–चेन, टिसर्ट, अम्ब्रेला, क्याप र मगलगायतका विभिन्न एसेसरिज समेत उपलब्ध हुनेछ ।

कुनै पनि पुरानो स्कुटरसँग नयाँ याडिया स्कुटर साट्नका लागि शून्य प्रतिशत ब्याजदर सहितको लोन सहज तरिकाले लिन सकिने व्यवस्था भएको कम्पनीको भनाइ छ ।

नेपाली बजारमा अहिले याडियाका ‘जी फाइभ, सि वान एस र एस–लाइक’ गरी तीन मोडलका स्कुटर बिक्री–वितरण भइरहेको कम्पनीको भनाइ छ । यी स्कुटरको मूल्य क्रमशः ३ लाख ४५ हजार, ३ लाख ६५ हजार र २ लाख ४५ हजार रुपैयाँ तोकिएको छ ।

पहिले नै यसको प्रि–बुकिङ खुला गरिएको थियो । प्रि–बुकिङ गरेकाहरुलाई भने २० हजार रुपैयाँ छुटमा स्कुटर उपलब्ध गराइएको कम्पनीको भनाइ छ ।