यी तीन फिचर नभए पनि फरक पर्दैन, तर चर्चा धेरै

सवारी साधनमा धेरै फिचर छन्, जुन दैनिक जीवनमा विरलै प्रयोग गरिन्छ । कम्पनीले यी फिचरको आधारमा आफ्ना गाडी राम्रो मूल्यमा बेच्ने प्रयास गरेका हुन्छन् । यद्यपि सवारी साधनमा यस्ता केही फिचर पनि हुन्छन्, जसको उपयोग प्रायः गरिदैन । तर पनि आफ्नो गाडीमा भएका यस्ता फिचरका वारेमा चर्चा गरेर हामी सन्तुष्ट बन्न सक्छौ ।

अटोमेटिक वाइपर
सवारी साधनमा हुने फिचरको बारेमा सबैभन्दा पहिला अटोमेटिक वाइपरको बारेमा चर्चा गरिन्छ । यसका कारण गाडीको विन्डशिल्डमा पानी पर्ने बित्तिकै वाइपर बटन नथिचिकन स्वतः चल्न थाल्छ । अटोमेटिक मेसिनरी भएकाले थोरै पानी भएमा पनि वाइपर चल्न थाल्छ, जसका कारण वाइपर चाँडै खिइने हुन्छ । म्यानुअल वाइपरलाई आवश्यकता अनुसार अन र अफ गर्न सकिन्छ ।

हिल असिस्ट वा हिल होल्ड
यो विशेषताको बारेमा पनि कम्पनीले धेरै प्रचार गरेको पाइन्छ । यो फिचर पहाडी क्षेत्रमा यात्रा गर्दा अति महत्वपूर्ण हुन्छ । तर पहाडी क्षेत्रमा हिल असिस्टको सहायताविना पनि सवारी साधन चलाउन सकिन्छ । स्ट्यान्डर्ड फिचर सहित हिल असिस्ट समावेश गरिएको सवारी साधनको परफर्मेन्स निकै उत्कृष्ट मानिन्छ ।

क्रुज कन्ट्रोल
सवारी साधनमा क्रुज कन्ट्रोल फिचर हुनु सामान्य भइसकेको छ । इलेक्ट्रिक कारमा पनि यो सुविधा आउन थालेको छ । कम्पनीले क्रुज कन्ट्रोलको धेरै प्रचार गरे तापनि यसको उपयोग नगन्य हुन्छ । यो फिचर धेरैजसो गाडीको टप मोडलमा देखिन्छ । राजमार्गमा धेरै यात्रा गर्नुपर्दा क्रुज कन्ट्रोलको निकै उपयोग हुन्छ । तर अन्य सामान्य अवस्थामा यसको प्रयोग खासै आवश्यक हुँदैन ।