निजी क्षेत्रसंगको सहकार्यमा चार्जिङ स्टेशन निर्माण गरिने : राष्ट्रपति भण्डारी

राष्ट्रपति विद्यादेवी भण्डारीले विद्युतिय सवारीसाधनको प्रवद्र्धनका लागि निजी क्षेत्रसंगको सहकार्यमा चार्जिङ स्टेशनको निर्माणलाई तिव्रता दिइने बताएकी छिन् । आर्थिक वर्ष ०७९/८० का लागि सरकारको नीति तथा कार्यक्रम प्रस्तुत गर्दै राष्ट्रपति भण्डारीले सो कुरा वताएकी हुन् ।

पछिल्लो समय विद्युतिय साधनमा ग्राहकले अत्याधिक रुची देखाइरहेका छन् । माग बढि भएपनि आपूर्तीको समस्याका कारण यस्ता साधन पर्याप्त मात्रामा उपलब्ध हुन सकिरहेका छैनन् । अर्कोतर्फ यस्ता साधन प्रयोग गर्दै आइरहेका ग्राहकले पर्याप्त चार्जिङ स्टेशन अभावका कारण शास्ति खेप्नु परिरहेको छ ।

नेपालमा अहिले नेपाल विद्युत प्राधिकरणले देशका विभिन्न स्थानमा यस्ता चार्जिङ स्टेशन निर्माण गरिरहेको छ भने निजी क्षेत्रले समेत आफ्ना ग्राहकलाई सुविधा दिन चार्जिङ स्टेशन निर्माणलाई तिव्रता दिइरहेका छन् । सरकालेले आफ्नो निती तथा कार्यक्रममै निजी क्षेत्रसंगको सहकार्यमा यस्ता स्टेशन निर्माण गर्ने बताएपछि भोलिका दिनमा यसले उल्लेख्य गती लिन सक्ने अपेक्षा गर्न सकिन्छ ।