भारत एनक्याप क्र्यास टेस्टमा टाटा सिएरा ईभीलाई ५-स्टार सेफ्टी रेटिङ, एडल्ट र चाइल्ड सुरक्षामा उत्कृष्ट प्रदर्शन
टाटा मोटर्सको नयाँ इलेक्ट्रिक एसयूभी टाटा सिएरा ईभीले भारत एनक्यापको...
यसै महिनाको ११ तारिखमा लन्च गरिएको टाटा नेक्सन इभीको लङ रेन्ज भेरियन्ट म्याक्सको वुकिङ भारतमा ह्वात्तै बढेको छ । यससंगै लन्च भएको १० दिन वित्न नपाउँदै यो गाडीलाई हात पार्न ग्राहकले ४ महिनाभन्दा बढी समय कुर्नुपर्ने देखिएको छ । हालसम्म यो गाडी कति संख्यामा बुक भएको छ भन्ने विषयमा टाटा मोटर्सले कुनै जानकारी भने प्रदान गरेको छैन ।
नेक्सन इभीको स्ट्यान्डर्ड भेरियन्टले ३१२ किलोमिटर रेन्ज दिने दाबी गरिएकोमा यो नयाँ भेरियन्टले भने ४३७ किलोमिटर दिने दाबी गरिएको छ । रेन्ज पनि बढी दिने र यसअघिको स्ट्यान्डर्ड भेरियन्टलाई हात पार्न अझै ६ महिनाभन्दा लामो समय कुनुपर्ने भएपछि भारतमा अहिले यो नयाँ भेरियन्टमा इभी पारखीले अत्याधिक आकर्षण देखाउन थालेका छन् । उक्त आकर्षण जति बढ्दै गयो यसको वेटिङ पिरियड समेत सोही अनुपातमा बढ्दै जाने देखिन्छ । किनकी टाटा मोटर्ससंग इभी उत्पादन गर्ने सिमित क्षमता मात्र रहेको छ ।
भारतीय बजारमा यो कारको क्रेज जुन गतीमा बढ्दै गयो सोही अनुपातमा नेपाल भित्रिने मिती समेत लम्विदै जाने देखिन्छ । फलास्वरुप यो नयाँ भेरियन्ट तत्काल नेपाल आउने संभावना कम हुँदै गएको अनुमान लगाउन सकिन्छ । नेपाल आउने मितीका वारेमा आधिकारिक वितक सिप्रद्धी टे«डिङ स्रोतसंग जानकारी लिँदा तत्काल केही भन्न नसकिने जवाफ प्राप्त भएको छ ।
‘यसअघि आएको नेक्सनकै स्ट्यान्डर्ड भेरियन्ट र टिगोर इभीको वुकिङ हालसम्म पनि कायमै छ । अझैपनि हामीले यी गाडी मागेजति पाउन सकिरहेका छैनौ । यस्तो अवस्थामा नयाँ प्रोडक्ट ल्याउँदा यसले झनै समस्या थप्न सक्ने आँकलन हामीले गरेका छौ । त्यसमाथी भारतमै माग थेगिनसक्नु भएका कारण यो नयाँ भेरियन्टलाई टाटा मोटर्सले तत्काल नेपाल पठाउन नसक्ने पनि देखिन्छ’ उक्त स्रोतले नेपाल अटोलाई बताएको छ । अबस्था सहज बन्दै गएको खण्डमा यसै वर्षको भदौ महिनामा आयोजना हुने नाडा अटो शोका लागी केही युनिट गाडी ल्याएर वुकिङ लिन सकिने संभावना प्रवल मात्रामा रहेको उक्त स्रोतको भनाई छ ।
यस्तो छ यो नयाँ भेरियन्ट
नेक्सन ईभी म्याक्समा ४०.५ किलोवाट आवरको ब्याट्री प्याक छ, जसले सिंगल चार्जमा ४३७ किलोमिटर रेन्ज दिने एआरएआईले प्रमाणित गरेको छ । व्याट्री क्षमताको आधारमा हालको स्ट्यान्डर्ड नेक्सन ईभी भन्दा यो १० किलोवाट आवर बढी हो ।
नेक्सन ईभी म्याक्स ३.३ किलोवाट र ७.२ किलोवाट एसी फास्ट चार्जर अप्सन सहित एक्सजेड प्लस र एक्सजेड प्लस लक्जरी गरी दुई भेरिएन्टमा उपलब्ध रहेको छ । जसमध्ये ३.३ किलोवाट चार्जर अप्सनको एक्सजेड प्लसको मूल्य १७ लाख ७४ हजार र एक्सजेड प्लस लक्जरीको मूल्य १८ लाख ७४ हजार भारु तोकिएको छ । त्यसैगरी ७.२ किलोवाट एसी फास्ट चार्जर अप्सनको एक्सजेड प्लसको मूल्य १८ लाख २४ हजार र एक्सजेड प्लस लक्जरीको मूल्य १९ लाख २४ हजार भारु तोकिएको छ ।
टाटा मोटर्सका अनुसार ३.३ किलोवाट आवरको चार्जरले करिव १५ घण्टामा फुल चार्ज गराउछ भने ७.२ किलोवाट आवरको चार्जरले ५ देखि ६ घण्टामा । कुनै पनि परम्परागत ५० किलोवाट आवरको चार्जरले चार्ज गर्दा ५६ मिनेटमा ० देखि ८० प्रतिशत सम्म चार्ज गर्न सकिने बताइएको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...