मोटो जीपी रेसमा भाग नलिने सुजुकीको निर्णय, खस्कदो वित्तिय अबस्था प्रमुख कारण

जापनिज टु ह्विलर ब्रान्ड सुजुकीले मोटो जीपी रेसमा अवउप्रान्त कहिल्यै पनि भाग नलिने निर्णय लिएको छ । खस्कदो वित्तिय अबस्थाका कारण यसअघिका २ वटा रेसमा समेत सहभागी नभएको सुजुकीले अव उप्रान्त भने कहिल्यै पनि भाग नलिने निर्णय लिएको हो । यो रेसमा सहभागी हुन मोटरसाइकल कम्पनीहरुले ठूलो रकम खर्च गर्नुपर्ने हुन्छ ।

हरेक वर्ष अयोजना हुने उक्त रेस मोटरसाइकल राइडरमाझ निकै नै लोकप्रिय वन्दै आइरहेको छ । सुजुकीको यस्तो निर्णयले उक्त रेसमा सहभागी हुँदै आइरहेका टिम र मेम्वर अचम्मित वनेको जनाइएको छ । रेसमा सहभागी नहुने निर्णयवारे कम्पनीले हालसम्म कुनै औपचारिक सुचना जारी नगरेपनि रेसिङ अथोरिटीले यस्तो खुलसा गरेको हो ।

ठूलो रकम खर्च हुने कारण देखाउँदै पछिल्ला सिजनहरुमा यो रेसमा सहभागी हुन इच्छुक मोटरसाइकल ब्रान्डको रुची क्रमश कम हुँदै गएको समेत उक्त अथोरिटीले बताएको छ । हाल यामाहा, होन्डा, डुकाटी र केटिएम जस्ता विश्वप्रख्यात ब्रान्डले विभिन्न ब्रान्डका लुव्रिकेन्ट्स लगायत अन्य ब्रान्डसंगको सहकार्यमा उक्त रेसमा सहभागी हुँदै आइरहेका छन् ।