नयाँ फिचर सहित २०२२ मारुती सुजुकी ब्रेजा जुनमा लन्च हुने पक्का

मारुती सुजुकीले लोकप्रिय एमपीभी अर्टिगा र एक्सएल६को अपडेटेड भर्सन लन्च गरेसँगै अब नयाँ कार लन्च गर्ने योजना बनाएको छ । रिपोर्टका अनुसार मारुती सुजुकीले यस वर्षको अन्त्यसम्ममा भारतमा नयाँ मिड साइज एसयूभी ल्याउनेछ ।

मारुती सुजुकीले यो वर्ष आफ्नो लोकप्रिय कम्प्याक्ट एसयूभी भिटारा ब्रेजाको नयाँ जेनेरेसन पनि ल्याउने योजना बनाएको छ । यो कार जुन २०२२ मा भारतमा लन्च हुनेछ । नयाँ जेनेरेसनको साथमा भिटारा ब्रेजा नाम हटाएर भारतमा ब्रेजाको रूपमा पेश गरिने छ ।

नयाँ जेनेरेसनको ब्रेजा परीक्षणका क्रममा पटक–पटक देखिएको छ । कारमा बलेनो जस्तै नयाँ फ्रन्ट फेसिया दिइएको छ र रियरमा केही परिवर्तन गरिएको छ । यसलाई ग्लोबल सी प्लेटफर्मद्वारा जारी राखिनेछ, जसले सो कारलाई ग्लोबल एनक्याप क्रयास टेस्टमा ५ स्टार प्राप्त गर्न मद्दत गर्नेछ ।

नयाँ ब्रेजामा नयाँ डिजाइन गरिएको स्लिकर एलईडी हेडलाइट, नयाँ एलईडी डीआरएल, क्लिभर बोनेट, नयाँ १६ इन्चको टु–टोन अलोय ह्विल, अपडेट गरिएको एलईडी टेललाइट र टेलगेटसहितको फ्रन्ट ग्रिल सेक्शन समावेश गरिएको छ । कारको फ्रन्ट र रियर बम्पर र नयाँ बडी प्यानल आदि अपडेट गरिएको छ ।

नयाँ जेनेरेसन मारुती सुजुकी ब्रेजाको इन्टेरियर पूर्ण अपडेट गरिने छ । सो कारमा सेन्टर कन्सोल, अपडेट इन्स्ट्रयुमेन्ट कन्सोल, एप्पल कारप्ले र एन्ड्रोइड अटोको साथ फ्लोटिङ ९ इन्च स्मार्टप्ले प्रो प्लस टचस्क्रिन इन्फोटेनमेन्ट सिस्टम, एचयूडी, कनेक्टिभ टेक, सनरुफ, ३६० डिग्री क्यामेरा, फ्ल्याट बटम स्टेयरिङ ह्विल, ६ एयरब्याग, हिल होल्ड फंक्सन, क्रुज कन्ट्रोल, पुश बटन स्टार्ट÷स्टप समावेश गरिनेछ ।

नयाँ मारुती सुजुकी ब्रेजामा माइल्ड हाइब्रिड प्रविधिको साथै १.५ लिटर, ४ सिलिन्डर, के१५सी डुअलजेट पेट्रोल इन्जिन समावेश गरिनेछ, जसमा ५ स्पिड म्यानुअल ट्रान्समिसन र प्याडल सिफ्टरको साथमा नयाँ ६ स्पिड अटोमेटिक गियरबक्स हुनेछ । कम्पनीले म्यानुअल भेरिएन्टमा नयाँ सीएनजी पावरट्रेन पनि थप्ने सम्भावना छ ।