यामाहा नेपालले एकैपटक डेलिभर ग-यो ५ सय युनिट एमटी–१५ बीएस६ बाइक

काठमाडौँ – यामाहाको नेपालका लागि आधिकारिक वितरक एमएडब्लु इन्टरप्राइजेजले एकै पटक ५ सय युनिट एमटी–१५ बीएस६ मोटरसाइकल ग्राहकलाई हस्तान्तरण गरेको छ । यामाहाले दोस्रो पटक यसरी एकैपटक धेरै संख्यामा यो मोटरसाइकल हस्तान्तरण गरेको हो ।

भृकुटीमण्डपस्थित कम्पनीको बिहीबारबाट सुरु भएको यामाहा महा एक्सचेन्ज मेलाको अवसर पारी मोटसाइकल वितरण गरिएको हो ।

गत वर्ष सोही मेलामा एमटी–१५ बीएस६ मोटरसाइकल सार्वजनिक गरी पहिलो दिनमै दुई सयभन्दा बढी मोटरसाइकल डेलिभर गरेको कम्पनीले जनाएको छ । यस मोटरसाइकलको पूर्व सफलता र नेपाली बजारमा बाइकप्रेमीहरूको मागलाई मध्यनजर गर्दै यामाहा नेपालले उक्त बाइकका लागि फेरि पनि अग्रिम बुकिङ्गको व्यवस्था गरेको थियो ।

प्रि(–रजर्भेसनमा मोटरसाइकलको माग अझै बढेपछि विश्वव्यापी बजारको समस्याले गर्दा यसको उत्पादनमा गम्भीर समस्याको सामना गर्नुपरेको कम्पनीले बताएको छ । निर्माणमा लाग्ने आवश्यक प्रमुख इलेक्ट्रोनिक चिप्सको विश्वव्यापी रूपमै अभाव भएको हुँदा पि–रिजर्भेसन ग्राहकहरुका लागि यामाहाले यसको उत्पादनमा अझै पूर्णताका साथ यो बाइकलाई फेरि नेपाली बजारमा उपलब्ध गरएको बताएको छ ।

कम्पनीका अनुसार एमटी–१५ बीएस६ मास्टर अफ टर्कको परिणाम हो । १५५ सीसी लिक्विडकुल्ड इन्जिनको यस प्योर ब्रेड हाइपर नेकेड, एमटी स्टेबलबाट परिस्कृत सामग्रीहरूको प्रयोगपछि तयार गरिएको बाइक रहेको कम्पनीले जनाएको छ ।

बिश्व बजारमा एमटी सिरिजका बाइकका श्रृंलाहरु बहुप्रचलित भएको र छरितोपन, परिष्कृत कन्ट्रोल पोस्चर्स र सिंगल च्यानल एबीएसजस्ता विशेषताले गर्दा एमटीको यो मिनी भर्सन युवा बाइकप्रेमीहरूमाझ लोकप्रिय रहेको कम्पनीको ठहर छ ।

मोटरसाइकल वितरण कार्यक्रममा बोल्दै यामाहा नेपालका सीईओ राजु क्षेत्रीले एमटी–१५ बीएस६ का लागि यामाहा प्रेमीहरूले देखाएको धैर्यता, समर्थन र एमएडब्लुप्रतिको विश्वासका लागि आभार व्यक्त गरेका छन् ।