यस्ता ७ नियम परिवर्तनका साथ चल्दै छ २०२२ को फर्मुला वान : कस्तो होला प्रभाव ?

फर्मुला वान २०२२ को संस्करण सम्म आउदा सम्म निकै ठुलो क्रान्ति नै भयो । बहराइन र साउदी अरेबिया गरि हालसम्म भएका दुइ रेस जस्तै अस्ट्रेलियामा अप्रिल १० मा सम्पन्न रेस पनि रोमान्चक बनेको छ । आगामी दिनमा अन्य देशमा हुने रेसका लागि सबै फर्मुला वान प्रेमी प्रतीक्षामा छन् ।

२०२२ का नियमहरुले यो सिजनको रेसलाइ अरुभन्दा पृथक बनाएको छ । यो वर्ष देखि रेसको नियममा पनि परिमार्जन भएको छ । २०२२ मा प्रयोगमा आएको नियमहरु यस प्रकारका छन् ।

१. विशेष गरी राम्रो रेसिङ प्रवर्द्धन गर्न डिजाइन गरिएको छ
कारहरु बीचको नजिकको रेसलाई अनुमति दिने र ओभरटेक गर्न अझै सहज बनाइदिने मार्गदर्शक सिद्धान्त अनुरुप नै २०२२ का नियमहरू बनेका छन् । त्यसो भए नजिकको रेसलाई के ले रोकिरहेको थियो ? अगाडिको गाडीको “फोहोर हावा” जसले डाउनफोर्सको प्रभावलाई कम गर्छ । फर्मुला वानमा डाउनफोर्सले रेसिङ कारलाइ भुँई राखी ग्रिप बनाईराख्ने हुदा महत्वपूर्ण भूमिका खेल्छ । तसर्थ जति बढी डाउनफोर्स त्यति नै बढी फाइदा । २०२२ को कारमा फर्मुला वानको मोटर स्पोर्ट्स टिम र एफआईएको सहकार्यमा १९८३ मा प्रतिबन्धित “ग्राउन्ड इफेक्ट” लाई पुनप्रयोग गरि डाउनफोर्सको घाटालाई कम गरेको छ । अगाडि रहेको गाडीको नोज देखि पछाडि रहेको गाडीको नोजको दुरी करिब २० मिटरको दुरीमा ४ प्रतिशत कम र १० मिटरको दुरीमा जम्मा १८ प्रतिशत कम भएको छ ।

२. कारमा पहिलो पटक ओभर–ह्विल विङ्गलेटहरू हुनेछन् भने ह्विल कभरहरू पुनः प्रयोग भएका छन्
२०२२ कारका दुई उल्लेखनीय विशेषताहरू यसको ओभर–ह्विल विङ्गलेटहरू र २००९ पछि पहिलो पटक प्रयोग हुने ह्विल कभरहरू हुन । यो डाउनफोर्स बढाउनको लागि एकदमै शक्तिशाली तरिका हो । 

३. कारमा पहिलो पटक १८ इन्चको लो प्रोफाइल टायर हुनेछ
१८–इन्च टायरहरूका लागि नयाँ पिरेली कम्पाउन्डहरू र निर्माणयुक्त टायरहरू स्लाइड ओभरहिट कम गर्ने लक्ष्यका साथ डिजाइन गरिएको छ । यो एक प्राथमिक पक्ष हो, जसले नजिकको दौडमा मद्दत गर्नुपर्छ ।

४. कारहरू अधिक दिगो इन्धनमा चल्नेछन्
२०२२ भन्दा अगाडिका गाडीहरुमा इन्धनमा ५.७५ प्रतिशत बायो–कम्पोनेन्टहरू मिश्रण भइ चल्ने देखिन्थ्यो । एफ वानले निकट भविष्यमा पूर्ण रूपमा दिगो इन्धनको प्रयोग गर्न कडा मेहनत गरिरहेको छ, जसअनुसार २०२२ को संस्करणमा ‘ई१० फ्युल’ को प्रयोगले बायो–कम्पोनेन्ट अनुपात १० प्रतिशतले बढेको छ । ई१० फ्युलमा भएको शब्द अनुसार ‘ई’ ले इथानोल र ‘१०’ ले मिश्रणमा यसको प्रतिशतलाई जनाउँछ ।

५. यसले २०२१ को रूपमा समान पावर युनिट प्रयोग गर्नेछ
२०२१ को सिजनमा प्रयोग भएको फर्मुला वानको अहिले सम्मकै सबैभन्दा उन्नत र सबैभन्दा कुशल इन्जिन १.६–लिटर टर्बो–हाइब्रिड इकाईहरूलाइ २०२२ मा केही अतिरिक्त सेन्सरहरू थप गरेर प्रयोग गरिएको छ ।

६. सुरक्षालाइ मुख्य मध्यनजर गरि कारको डिजाइन गरिएको छ
कारको च्यासिसले अगाडि, पछाडिको इम्प्याक्ट टेस्ट र विभिन्न परिक्षण गरेर गाडीको बलको प्रमाणित गरिएको छ । हालैका ठूला दुर्घटनाहरूबाट पनि पाठ सिकेर पावर युनिट लाई चेसिसबाट अलग गरिएको छ । दुर्घटनाको समयमा इन्धनको ट्याङ्कीलाई हानी नहोस् भन्ने हेतुले सो डिजाइन लागु गरिएको हो ।

यो सुरक्षाका सुधारहरू, टायरहरूको बढेको तौलले गाडी भारी र थप बलियो बनेको छ र न्यूनतम कारको तौल हाल ७५२ केजीबाट बढेर ७९० केजी पुगेको छ ।

७. यो बिन्दुमा पुग्न २०२२ कार ७५०० भन्दा बढी सिमुलेशनहरू मार्फत राखिएको छ
२०२२ कार सिर्जना गर्न एफ वानको मोटर स्पोर्ट्स टोलीले लगभग ७,५०० सिमुलेशनहरू चलाएको छ ।

सुयोग खनाल
(School Coordinator, F1 in Schools Nepal)