आकर्षक लुकमा स्कोडा कुशाकको नयाँ भेरिएन्ट चाँडै लन्च हुँदै, यस्तो हुनेछ फिचर

स्कोडाले आफ्नो लोकप्रिय एसयूभी स्कोडा कुशाकको मोन्टे कार्लो भेरिएन्ट लन्च गर्ने तयारीमा छ । सो भर्सन भारतमा अर्को महिना मे ९ मा लन्च हुनेछ । मिडिया रिपोर्टका अनुसार कम्पनी स्कोडा कुशाक मोन्टे कार्लो एडिसनमा स्पोर्टी ब्ल्याक आउट लुक र एड्भान्स फिचर हुनेछ ।

कम्पनीले कुशाक मोन्टे कार्लोमा म्यानुअल र अटोमेटिक १.० टीएसआई र १.५ टीएसआई इन्जिनसहित लन्च गर्ने अनुमान गरिएको छ । त्यसैले यसको मूल्य १८ लाखदेखि १९ लाख ५० हजार भारु बीच हुनेछ ।

कुशाक मोन्टे कार्लोमा ब्ल्याक ग्रिल, स्मोक्ड हेडलाइट र टेललाइटको साथै ब्ल्याक आउट स्किड प्लेट, विंग मिरर, रूफ रेल्स र रियर बम्पर समावेश हुनेछ । नयाँ कुशाक मोन्टे कार्लोमा अन्य रङ विकल्पहरू पनि उपलब्ध हुनेछ । एसयूभीको बाहिरी भागमा ‘मोन्टे कार्लो’ ब्याजिङ पनि हुनेछ र कारमा नयाँ ब्ल्याक अलोय ह्विल पनि उपलब्ध हुनेछ ।

नयाँ कुशाक मोन्टे कार्लो भेरिएन्टको डिजाइन र लेआउट पुरानो मोडल जस्तै हुनेछ । एसयूभीमा रातो रङको एक्सेन्टसहितको नयाँ स्पोर्टी ब्ल्याक इन्टेरियर हुनेछ । स्टाइल भेरिएन्टका लगभग सबै फिचरहरू मोन्टे कार्लो ट्रिममा ल्याउनेछ । तथापि, एसयूभी पूर्ण रूपमा डिजिटल इन्स्ट्रयुमेन्ट क्लस्टर सहित केही फरक फिचरहरू हुने अपेक्षा गरिएको छ ।

नयाँ कुशाक मोन्टे कार्लो एडिसन २ पेट्रोल इन्जिनको साथ लन्च गरिनेछ, जसमा पहिलो १.० लिटर ३ सिलिन्डर टीएसआई इन्जिनले ११३ बीएचपीको पावर र १७५ एनएमको टर्क जेनेरेट गर्छ र दोस्रो १.५ लिटर ४ सिलिन्डर टीएसआई इन्जिनले १४८ बीएचपीको पावर र २५० एनएमको टर्क जेनेरेट गर्छ ।

ट्रान्समिशन विकल्पमा १.० लिटर टीएसआईमा वैकल्पिक ६ स्पिड अटोमेटिक ट्रान्समिशनको साथ ६ स्पिड म्यानुअल गियरबक्स समावेश हुनेछ, जबकि १.५ लिटर टीएसआई ७ स्पिड डीएसजी गियरबक्सको साथ पेश गरिने छ ।