टिभिएस ग्रान्ड एक्सचेन्ज मेलाको भोली अन्तिम दिन

टिभिएस मोटरसाइकलको नेपालका लागि आधिकारिक वितरक जगदम्वा मोटर्सले राजधानीको भृकुटीमन्डमा आयोजना गरिरहेको ग्रान्ड एक्सचेन्ज मेला भोली सकिँदैछ । चैत्र २९ गतेदेखी शुरु भएको मेलामा दर्शकको उपस्थिती निकै राम्रो रहेको कम्पनी स्रोतले बताएको छ ।

मेलामा ग्राहकले आफूसंग भएको पुरानो मोटरसाइकलसंग टिभिएसको ब्रान्ड न्यू मोटरसाइकल तथा स्कुटर एक्सचेन्ज गरिरहेका छन् । साथै मेला स्थलबाटै नयाँ मोटरसाइकल खरिद गर्न सकिने व्यवस्था समेत मिलाइएको छ ।

नयाँ वर्ष २०७९ को प्रारम्भसंगै शूर गरिएको उक्त मेलामा ग्राहकलाई नयाँ वर्ष अफर समेत उपलब्ध गराइएको छ । जसका आधारमा ग्राहकले टिभिएस नेपालको वेभसाइटमा आफ्नो नाम दर्ता गरेकै भरमा वाइक नकिन्दै ५० हजार रुपैयाँसम्म र किन्दा १ लाख रुपैयाँसम्म नगद जित्न सक्नेछन् ।

ग्राहकले आफूसंग भएको पुरानो मोटरसाकलको मूल्यांकन वापत आउने रकमलाई डाउन पेमेन्टका रुपमा भुक्तानी गरी सून्य प्रतिशत व्याजदरमा मासिक जम्मा ५ हजार ९ सय ९९ रुपैयाँ किस्तामा नयाँ मोटरसाइकल तथा स्कुटर खरिद गर्न सकिने व्यवस्था मिलाइएको छ । प्रि बुकिङ लिने ग्राहकले २ हजार रुपैयाँको निशुल्क एसेसोरिज पाउनेछन् भने बाइक खरिद गर्दा निशुल्क हेल्मेट, रेनकोट र वाइक कभर प्राप्त गर्न सक्नेछन् ।

साथै बाइक किन्ने र नकिन्दे दुबै ग्राहकले टिभिएस नेपालको सोसल मिडियामा सहभागिता जनाएकै भरमा ३ जना भाग्यशाली बिजेताले अपाचे आरआर ३१० मोटरसाइकल बम्पर उपहार स्वरुप प्राप्त गर्न सक्नेछन् ।