यी १६ वर्कशपले पाए रोयल इन्फिल्डको नयाँ डिलरबाट आधिकारिक सर्भिस सेन्टरको मान्यता

रोयल इन्फिल्ड मोटरसाइकलको नेपालका लागी नवनियुक्त विक्रेता अल्फा अटोमोटिभले देशका १६ स्थानमा रहेका वर्कशपलाई आफ्नो आधिकारिक वर्कशपको मान्यता दिएको छ । आज एक सुचना जारी गर्दै कम्पनीले अब उप्रान्त रोयल इन्फिल्ड मोटरसाइकलको सर्भिसिङ, मर्मतसम्भार र वारेन्टिका लागी यी १६ वर्कशपमा सम्पर्क राख्न अनुरोध गरेको छ ।

काठमार्डौ उपत्याकामा सुकेधारास्थित जेरो इन्जिनियरिङ, मिनभवनस्थित मिनभवन मोटरसाइकल वर्कशप, गैरीधारास्थित नक्साल बुलेट सर्भिस सेन्टर र बसुन्धारास्थित इमेज अटोमोबाइल एन्ड ट्रेड कन्सर्नमा सम्पर्क गर्न भनिएको छ ।

उपत्यका बाहिरका लागी भने दमकमा क्षिरिङ इन्टरप्राइजेज, इटहरी र धरानमा रोयल मोटर्स, जनकपुरमा नारायणी मोटर्स र चितवनमा यति अटोमोवाइल्स तथा बुलेट वाइक जोनमा सम्पर्क राख्न अनुरोध गरिएको छ ।

यसैगरी पोखरामा बुलेट ट्रेडर्स, वुटवलमा गैह्रे प्रतिस्ठान, दाङमा मेट्रो अटोवल्र्ड, सुर्खेतमा न:भ इन्टरप्राइजेज, गोरखामा निलभ अटो ट्रेडर्स र महेन्द्रनगरमा मल्ल मर्कन्टाइलमा सम्पर्क गर्न भनिएको छ । नयाँ बिक्रेताका रुपमा मे महिनादेखी कारोबार गर्न गैरहेको अल्फा अटोमोटिभले ग्राहकमा अन्योलता नहोस भनेर यी वर्कशपलाई आधिकारिक सर्भिससेन्टरका रुपमा मान्यता दिँदै यस्तो अनुरोध गरेको हो ।