होन्डाले पुरा गर्यो ३० लाख मोटरसाइकल र स्कुटर निर्यातको माइलस्टोन

होन्डा इन्डिायले ३० लाख मोटरसाइकल र स्कुटर निर्यातको माइलस्टोन पुरा गरेको छ । सन् २००१ मा एक्टिभा स्कुटरको निर्यातदेखी सुरु भएको यो यात्रा २१ वर्ष पुराहुँदा यति धेरै संख्यामा टु ह्विलर निर्यात गर्न सफल भएको कम्पनीले जनाएको छ ।

होन्डाले एक्टिभा र डियो स्कुटर सहित कुल १८ मोडलका वाइक निर्यात गर्दै आइरहेको छ । भारतको दोस्रो ठूलो टु ह्विलर उत्पादकका रुपमा स्थापित यो ब्रान्डले उत्पादन थालेको १६ बर्षभित्र जम्मा १५ लाख युनिट वाइकमात्र निर्यात गर्न सफल भएको थियो । अन्तराष्ट्र्रिय बजारमा समेत यी बाइकको माग बढ्दै गएपछि उसले पछिल्लो ५ बर्षमा अर्को १५ लाख युनिट निर्यात गरेको हो ।

भारतमा उत्पादन हुने यी बाइक र स्कुटरलाई होन्डाले अमेरिका, जापान र युरोपसहित विश्वका २९ भन्दा बढी राष्ट्रमा निर्यात गरिरहेको छ । होन्डाको भारतमा अहिले ४ वटा उत्पादन युनिट रहेका छन् ।

नेपाली बजारमा समेत निकै नै लोकप्रिय मानिने यो ब्रान्डको टु ह्विलर वार्षिक ५० हजार भन्दा माथी संख्यामा आयत भैरहेको छ ।