बजाजले चेतक ब्रान्डमा अर्को नयाँ इलेक्ट्रिक स्कुटर थप गर्ने

चेतक ब्रान्डमा इलेक्ट्रिक स्कुटर उत्पादन गर्दै आइरहेको बजाजले अर्को नयाँ मोडल थप गर्ने भएको छ । योसंगै चेतकसंग बजारमा २ वटा इलेक्ट्रिक स्कुटर हुनेछ ।

नयाँ मोडल थप गर्न लागिएको बजाज अटोका प्रबन्ध निर्देशक राजिव बजाजले खुलसा गरेका हुन् । उनका अनुसार यो नयाँ मोडल यसै वर्षको अन्त्यसम्ममा लन्च भैसकक्नेछ । नयाँ मोडलमा के–कस्ता फिचर्स सामेल हुनेछन् भन्ने विषयमा भने उनले खुलाउन चाहेनन् ।

चेतकको हाल भारतीय बजारमा ९० किलोमिटर रेन्ज दिने एउटामात्र मोडल उपलब्ध रहँदै आएको छ । रेट्रो क्लासिक लुक्समा डिजाइन गरिएको यो स्कुटरलाई बजाजले मूल्य १ लाख ४९ हजार भारुमा बिक्री गर्दै आइरहेको छ । स्टिल वडी दिइएको यो स्कुटरमा आइपी ६७ वाटर प्रोटेक्नस सिस्टम उपलब्ध गराइएको छ ।

५ घन्टामा फूल चार्ज गर्न सकिने यसको ब्याट्रीलाई फास्ट चार्जरको साहयतामा एक घन्टा भित्रै २५ प्रतिशत चार्ज गर्न सकिन्छ । यसको ब्याट्रीमा कम्पनीले ३ बर्ष अर्थात ५० हजार किलोमिटरको वारेन्टि दिएको छ ।