भ-याङ प्रयोग गरेर चढ्न सकिने १४ मिटर लामो विश्वको सबैभन्दा ठूलो हम्मर एसयूभी

हम्मर एसयूभी संसारको सबैभन्दा बलियो र शक्तिशाली एसयूभीको रूपमा चिनिन्छ र यो एसयूभी सामान्यतया अमेरिकी सेनाको लागि प्रयोग गरिन्छ । यो एसयूभी ग्राहकहरुले यति धेरै रुचाए कि पछि कम्पनीले यसको सिभिलियन भर्सन समेत उपलब्ध गरायो । कम्पनीले केही वर्षदेखि हम्मर एसयूभीमा अपडेट गरिरहेको छ र चाँडै नै हम्मर एसयूभीको इलेक्ट्रिक भर्सन पनि ल्याउने भएको छ ।

कम्पनीले अपडेट गरेको नयाँ हम्मर एसयूभी संयुक्त अरब इमिरेट्समा देखिएको छ । यसको भिडियो सामाजिक सञ्जालमा भाइरल भइरहेको छ । वास्तवमा यो हम्मर एसयूभी विश्वको सबैभन्दा ठूलो हम्मर एच१ एसयूभी हो ।

कम्पनीले यसलाई हम्मर एच१ एक्स३ नाम दिएको छ किनभने यो एसयूभी स्ट्यान्डर्ड हम्मर एच१ एसयूभी भन्दा झन्डै ३ गुणा ठूलो छ । भिडियोमा देखाइएको एसयूभी हाल संयुक्त अरब इमिरेट्सको अल मादाममा रहेको अफ–रोड हिस्ट्री म्युजियममा प्रदर्शनमा रहेको छ ।

हम्मर एच१ एसयूभी ६.६ मिटर अग्लो, १४ मिटर लामो र ६ मिटर चौडा छ । यो नियमित हम्मर एच१ को पूर्ण रूपमा कार्यात्मक मापन गरिएको मोडेल हो ।

सो हम्मर एच१ एसयूभी शेख हमाद बिन हमदान अल नाह्यानको स्वामित्वमा छ, जसलाई रेन्बो शेख पनि भनिन्छ । उनी कार प्रेमीको रुपमा परिचित छन् र उनको ग्यारेजमा कारहरूको ठूलो संग्रह छ । रेन्बो शेख एक अर्बपति हुन् र दुर्लभ कार र कस्टम परिमार्जनमा आफ्नो पैसा खर्च गर्ने गर्छन् ।

हम्मर एच१ एसयूभी एक कस्टम बिल्ड प्रोजेक्ट हो र ठ्याक्कै पुरानो हम्मर जस्तै देखिने गरी डिजाइन गरिएको छ । यसको लागि बाक्लो धातु र अन्य कम्पोनेन्ट्सको प्रयोग गरिएको छ । हम्मर एच१ एसयूभीको इन्टेरियर घरको रूपमा डिजाइन गरिएको छ, जहाँ यसमा बेडरूम, किचन, बाथरूम र घरमा पाइने सबै सुविधाहरू छ ।