संसारकै लामो कारको बन्यो अर्को रेकर्ड : दुवैतिर चल्ने, हेलिप्याड र अन्य धेरै सुविधा

संसारको सबैभन्दा लामो कार कति लामो होला ? अनुमान गर्न सक्नुहुन्छ ? हो, यो १०० फिट भन्दा लामो छ । तर यो भन्दा पनि महत्वपूर्ण के छ भने यसमा हट टब, स्विमिङ पुल र हेलिप्याड समेत छ ।

गत मार्च १ मा विश्वकै सबैभन्दा लामो यो कारले पहिले आफैले सन् १९८६ मा रेकर्ड ब्रेक गरेको गिनिज वर्ल्ड रेकर्डलाई तोडेको छ । अमेरिकाको मियामी निवासी डेभलपर माइकल डेजरले यसको रिस्टोर गरेका हुन् । यो ३०.५४ मिटर लामो अर्थात १०० फिट र १.५० इन्च छ भने यसमा २६ ह्विल छन् । त्यसैगरी यसमा ७५ यात्रीका लागि कोठा छन् ।

डेजरको टिमले यसलाई आफ्नै थिम पार्क ‘डेजरल्यान्ड पार्क’ को रुपमा २ वर्ष लगाएर रिस्टोर गरेका हुन् । यसलाई उनीहरुले माइकल म्यानिङबाट ईबेमार्फत किनेका थिए ।

‘द अमेरिकन ड्रिम’ भनिने यो कारलाई सबैभन्दा पहिले क्यालिफोर्नियामा जे ओरवर्गले बनाएका थिए र त्यतिबेला १८.२८ मिटर लामो थियो । पछि डेजर र म्यानिङको टिमले यसलाई क्रमशः रिस्टोर गरेको हो । गिजिन वर्ल्ड रेकर्डका अनुसार रिस्टोरका लागि ३ वर्ष लागेको छ र यसमा २ लाख ५० हजार डलर खर्च भएको छ ।

हाल यसमा डाइभिङ बोर्डसहितको पुल, ज्याकुजी, मिनी गोल्फ कोर्स, वाटरबेड, टीभी, फ्रिज र एउटा हेलिप्याड समेत छ । त्यसैगरी यसलाई दुवैतिरबाट ड्राइभ गर्न सकिन्छ ।

यसलाई भविष्यमा इलेक्ट्रिक भेइकलको रुपमा समेत विकास गर्ने योजना भएको बताइएको छ । यदि त्यसो भयो भने यो संसारकै सबैभन्दा लामो इलेक्ट्रिक भेइकल समेत हुनेछ ।