भक्तपुरको ‘राधे राधे’ मा खुल्यो हुन्डाईको सुविधा सम्पन्न शोरुम

काठमाडौं – नेपालका लागि हुन्डाई मोटर्सको आधिकारिक वितरक लक्ष्मी इन्टरकन्टिनेन्टल प्रालिले भक्तपुरको राधे राधेमा नयाँ शोरुम संचालनमा ल्याएको छ । भक्तपुरमा खुलेको नयाँ शोरुम सहित देशभर हुन्डाई शोरुमको संख्या १५ पुगेको छ ।

कम्पनीले संचालनमा ल्याएका सबै ‘स्टेट अफ द आर्ट’ शोरुमबाट ग्राहकले गाडी किन्दा नयाँ एक्सपेरियन्स गर्न सकिने छ । भक्तपुरको राधे राधेमा संचालनमा आएको नयाँ शोरुममा हुन्डाई मोटर्सले उत्पादन गरेको आधुनिक गाडीहरु शोकेस गरिएको छ ।

भक्तपुर र आसपासका क्षेत्रमा रहेका ग्राहकहरुलाई लक्ष्यित गरी संचालनमा ल्याएको उक्त शोरुममा सेल्स, सर्भिस र स्पेयर पार्ट्स सहितको थ्रीएस सेवा उपलब्ध रहेको छ ।

अन्य शोरुममा जस्तै कम्पनीको उक्त शोरुममा लगनशील, दक्ष र अनुभवी कर्मचारीहरुले गाडी खरिद र खरिदपछिको उत्कृष्ट सेवा दिनेछन् । यसबाट ग्राहकले सबै किसिमका आवश्यक सेवा छरितो र सहज तरिकाले लिन सक्ने लक्ष्मी इन्टरकन्टिनेन्टलले जनाएको छ ।

लक्ष्मी इन्टरकन्टिनेन्टलको नेपाल भरमा १५ वटा शोरुम तथा १९ वटा सर्भिस स्टेसन रहेको छ । हुन्डाई मोटर्स विश्वको उत्कृष्ट ५ ठूलो अटोमोबाइल उत्पादक कम्पनी हो । हुन्डाईले उत्कृष्ट क्वालिटी तथा आकर्षक डिजाइनका गाडीहरु उत्पादन गर्दै आएको बताएको छ ।