अपडेट भयो सिम्पल वानको इलेक्ट्रिक स्कुटर, ३०० किलोमिटर भन्दा बढी रेन्ज दिने

भारतको बेंगलुरुमा आधारित ईभी स्टार्ट अप सिम्पल एनर्जीले केही समय पहिले भारतमा आफ्नो पहिलो इलेक्ट्रिक स्कुटर सिम्पल वान लन्च गरेको थियो । यो इलेक्ट्रिक स्कुटरले २३६ किलोमिटरको रेन्ज दिन्छ । सिम्पल वान ई–स्कुटरलाई संसारको सबैभन्दा लामो दूरीको इलेक्ट्रिक स्कुटर मानिन्छ ।

पुरानो मोडल सिम्पल वान इलेक्ट्रिक स्कुटरमा ३.२ केडब्ल्युएच फिक्स्ड ब्याट्री प्याक र १.६ केडब्ल्युएच रिमुभेवल मोड्युल उपलब्ध छ, जसले प्रति चार्ज २३६ किलोमिटरको रेन्ज प्रदान गर्ने दाबी गरिएको छ ।

अब यसलाई अपडेट गरिएको छ । अपडेट गरिएको सो इलेक्ट्रिक स्कुटरमा २ वटा १.६ केडब्ल्युएच रिमुभेवल मोड्युल सहितको ३.२ केडब्ल्युएच फिक्स्ड ब्याट्री प्याक समावेश गरिएको छ, जसले ३०० किलोमिटर भन्दा बढीको रेन्ज प्रदान गर्ने दाबी गरिएको छ ।

सिम्पल इनर्जीले नयाँ इलेक्ट्रिक स्कुटरमा ८.५ केडब्ल्यु मोटर ल्याउने घोषणा गरेको छ । जसले ११.३ एचपीको पावर र ७२ एमएमको टर्क जेनेरेट गर्छ । पुरानो मोडलको मूल्य १ लाख १० हजार भारुमा उपलब्ध छ, साथै अपडेटेड सिम्पल वानको मूल्य १ लाख ४५ हजार भारु राखिएको छ । यसको बुकिङ सुरु भइसकेको छ र यसको डेलिभरी जुनमा सुरु हुनेछ ।