प्रिमियम कारको बिक्रीमा बिएमडब्लुले पछि पार्यो मर्सिडिजलाई

प्रिमियम कारको बिक्रीमा बिएमडब्लुले मर्सिडिजलाई पछि पारेको छ । यो सेग्मेन्टमा प्रतिस्पर्धा गरिरहेका यी दुई ब्रान्डमध्ये बिएमडब्लुले ५ बर्षपछि मर्सिडिजलाई बिक्रीमा पछि पारेको हो ।

सन् २०२१ मा बिएमडब्लुले कुल २२ लाख कार बिक्री गर्दा मर्सिडिजले जम्मा २० लाख ५ हजार युनिटमात्र बिक्री गरेको थियो । बिएमडब्लुले हाँसिल गरेको यो बिक्री हालसम्मकै सबैभन्दा बढी हो ।

सेमी कन्डक्टरको विश्वव्यापी अभावका कारण मर्सिडिजले आफ्नो क्षमता अनुसार कार उत्पादन गर्न सकिरहेको थिएन । जसको असर बिक्रीमा देखिएको र २०२० को तुलनामा ५ प्रतिशतले बिक्री घटेको कम्पनीले बताएको छ ।