थप फिचरका साथ दुई भेरिएन्टमा आयो २०२२ एमजी जेडएस ईभी, यस्तो छ मूल्य र फिचर

काठमाडौं – नेपाली बजारमा पहिले देखि नै उपलब्ध एमजी अर्थात मोरिस ग्यारेजको जेडएस ईभीको २०२२ भर्सन सार्वजनिक गरिएको छ । स्ट्यान्डर्ड रेन्ज र लङ रेन्ज गरी दुई भेरिएन्टमा आउने एमजी जेडएस ईभीमा दुई वटा ब्याट्री प्याकको विकल्प पाउन सकिन्छ ।

नयाँ एमजी जेडएस ईभी मध्ये एउटामा ५१.५ किलोवाट हाइटेक ब्याट्री हुनेछ र यसको रेन्ज ३१९ किलोमिटर हुनेछ । त्यसैगरी अर्को ७२.६ किलोवाट ब्याट्री हुनेछ, जसको रेन्ज ४४० किलोमिटर हुनेछ । सो गाडीको ग्राउन्ड क्लियरेन्स १७५ एमएम छ ।

एमजी जेडएस ईभी २०२२ को इन्टेरियर र एक्सटेरियरमा नयाँ डेकोरेसन र अपडेट गरिएको छ । यसको इन्टेरियरमा १०.१ इन्चको टचस्क्रिन इन्फोटेनमेन्ट सिस्टम र ७ इन्चको डिजिटल ड्राइभर डिस्प्ले रहेको छ । यसका साथै रोटरी डायल गियर नब, ड्राइभिङ मोड र ब्रेकिङ रिजेनेरेसन रहेको छ । यसमा हेडल्याम्प, इन्टिग्रेटेड एलईडी डीआरएल, एलईडी टेलल्याम्प आदि छन् ।

यो गाडीमा एमजी पाइलट नाम दिइएको अटोमेटिक इमर्जेन्सी ब्रेकिङ सहितको एड्भान्स्ड ड्राइभर असिस्टेन्स सिस्टम रहेकोले निकै नै सुरक्षित मानिएको छ । यसमा १३० एचपीको पावर र २८० एनएमको टर्क भएको पर्मानेन्ट म्याग्नेट सिंक्रोनस मोटर रहेको छ ।

यो गाडी ८.५ सेकेन्डमा १०० किलोमिटर प्रतिघण्टाको गतिमा गुड्न सक्छ । एमजीको ग्लोबल डिजाइन भएको यो गाडीमा पानोरामिक सनरुफ, १७ इन्चको डायमन्ड कट अलोय ह्विल र २.५ को पीएम फिल्टर लगायतका धेरै सुविधा रहेका छन् ।

एमजी जेडएस ईभी २०२२ मा पावर्ड ड्राइभर सिट, अटोमेटिक हेडलाइट र वाइपर, कनेक्टेड कार टेक्नोलोजी, ६ वटा एयरब्याग, हिल स्टार्ट, हिल डिसेन्ट कन्ट्रोल, अल ह्विल डिस्क ब्रेक, टायर प्रेसर मोनिटरिङ सिस्टम, अडेप्टिभ क्रुज कन्ट्रोल, लेन किप असिस्ट र ३६० डिग्री क्यामेरा जस्ता विभिन्न फिचर उपलब्ध छन् ।

५१.५ किलोवाट ब्याट्रीयुक्त गाडीको मूल्य ५१ लाख ९९ हजार र ७२.६ किलोवाट ब्याट्रीयुक्त गाडीको मूल्य ५९ लाख ९९ हजार रुपैयाँ तोकिएको छ ।

नेपाली बजारमा पहिले देखि नै ४४.५ किलोवाट ब्याट्रीयुक्त एमजी जेडएस ईभी बिक्री भइरहेको थियो र यसको मूल्य ५० लाख ९९ हजार रुपैयाँ थियो ।