एमजीले ल्यायो एक्सपर्ट प्लेटफर्म : एमजी कारको जानकारी अब घरैमा बसेर लिने सकिने

एमजी मोटर इन्डियाले कम्पनीले पेश गरेको मोडल अनुभव गर्नका लागि एआर टेक्नोलोजीद्वारा सञ्चालित डिजिटल प्लेटफर्म एमजी एक्सपर्ट लन्च गरेको छ । यो प्लेटफर्म एमजी मोटर इन्डियाको वेबसाइटमा उपलब्ध छ, जसले ग्राहकलाई घरमै बसेर एमजी शोरूम भ्रमण गर्ने अनुभव प्रदान गर्छ ।

कोरोना महामारीको समयमा कार निर्माताहरुले अनलाइन बिक्री प्लेटफर्महरू सञ्चालन गरिरहेका छन् । यस्तो अवस्थामा एमजी मोटर पनि आफ्ना सम्भावित ग्राहकहरूलाई अनलाइन कार खरिद अनुभव प्रदान गर्न अगाडि सरेको छ । डिजिटल प्लेटफर्म भए पनि यसले कार खरिद प्रक्रियालाई सहज बनाउने एमजीको भनाइ छ ।

यस प्लेटफर्ममा कुनै पनि मोडेल र भेरिएन्टको मूल्य, फिचर र अन्य सबै विवरणहरू बारे ग्राहकलाई जानकारी प्रदान गरिन्छ र कुनै पनि प्रश्नको जवाफ उपलब्ध हुन्छ । यस प्लेटफर्ममा ग्राहकलाई कारको सम्पूर्ण जानकारी अडियो–भिजुअल माध्यमबाट उपलब्ध गराइने कम्पनीले जनाएको छ । यसले ग्राहकलाई ईएमआई र टेस्ट ड्राइभसँग सम्बन्धित जानकारी पनि दिन सक्छ ।

हाल यो सेवा केही स्थानमा मात्र उपलब्ध हुनेछ तर छिट्टै नै राष्ट्रव्यापी रूपमा उपलब्ध गराइने कम्पनीले जानकारी दिएको छ । यसको लागि कम्पनीका केही प्रतिनिधिहरूलाई तालिम पनि दिइँदैछ ।

आगामी दिनमा नेपालमा पनि यो प्लेटफर्म उपलब्ध हुने आशा गर्न सकिन्छ । नेपालमा पनि एमजीका गाडीहरु बिक्रीका लागि उपलब्ध छन् ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...