५ हजार रुपैयाँमै ग्राजिया बिएस६ बुकिङ गर्न सकिने, सोहि रकम क्यसब्याक समेत पाइने

होन्डा टु ह्विलरको नेपालमा लागि आधिकारिक बितरक स्याकर ट्रेडिङ कम्पनीले नजिकको मल तथा भाटभटेनी डिपार्टमेन्टल स्टोरमा गएर ग्राजिया बिएस६ बुकिङ गर्न सकिने ब्यावस्था मिलाएको छ । ग्राहकले ५ हजार रुपैयाँसम्ममा बुकिङ गर्न सक्ने र उक्त रकम बराबर नै क्यास ब्याक समेत पाउन सकिने बताइएको छ । उपत्यकाको लबिम मल, पुल्चोक र भक्तपुरस्थित भाटभटेनिमा गएर यो स्कुटर बुकिङ गर्न सकिने छ ।

त्यसैगरी उपत्यका बाहिर पोखरा, वुटवल, नारायणघाट र इटहरीमा रहेको भाटभाटेनीमा समेत यो सुबिधा उपलब्ध गराइएको छ । उक्त सुबिधा लिन लबिम मालमा ९ गतेसम्म, पुल्चोकस्थित भाटभटेनीमा आजदेखी ८ गतेसम्म र भक्तपुरको भाटभाटेनीमा यसै महिनाको १३ देखी १५ गतेसम्मका लागी मिती तोकिएको छ । उपत्यका बाहिर भने बिभिन्न स्थानमा रहेको भाटभटेनीमा फरकफरक मिती तोकिएको छ ।

यस्तो छ बिएस६ ग्राजिया
बीएस६ इन्जिनयुक्त होन्डा ग्राजियामा १२४ सीसीको इन्जिन छ, जसले ६००० आरपीएममा ८.२५ पीएस पावर र ५००० आरपीएममा १०.३ एनएम टर्क जेनेरेट गर्छ । यसको दुवै पांग्रामा ड्रम ब्रेक रहेको छ । १०८ किलोग्राम तौल भएको यो स्कुटरमा ट्युबलेस टायर र अलोय ह्विल रहेको छ । ५.३ लिटरको इन्धन ट्यांकी भएको स्कुटरमा ११६७ एमएमको सिट हाइट छ ।

यसमा आकर्षक एलईडी र फ्रन्ट एप्रोनभन्दा माथि प्रयोग भएको एलईडी हेडल्याम्पले पहिलेको तुलनामा केही नयाँ लुक्स पाउन सकिन्छ । साइड बडी प्यानलका साथै पछाडिको ब्रेक लाइटको भाग पहिलेभन्दा आकर्षक देखिन्छ । यो स्कुटरमा १२५ सीसी होन्डा इको टेक्नोलोजी प्रयोग गरिएको छ । यसमा इनह्यान्स स्मार्ट टेक्नोलोजिका साथै एसीजी स्टाटर मोटर रहेको छ ।

यो स्कुटरमा नयाँ इन्स्ट्रुमेन्ट कल्स्टर दिइएको छ । रियल टाइम माइलेज, एभरेज माइलेज, डिस्ट्यान्स टु इम्पिटी जस्ता फिचर थप भएको छ । यसका साथै साइड स्ट्याण्ड इन्डिकेटर, इन्जिन कट अफ जस्ता स्मार्ट प्रविधि पनि यसमा छन । एलईडी स्प्लीट पोजिशन ल्याम्प, पहिलेभन्दा बढी ग्राउण्ड क्लियरेन्स र जेट इन्सपायर रियर विङकर्स रहेको छ यसले स्कुटरको रियर भ्यु आर्कषक बनाएको छ ।

यो स्कुटरमा फुल डिजिटल मिटर रहेको छ, जसमा रियल टाइम माइलेज थाहा पाउन सकिन्छ । यसमा स्प्लिट एन्ड पोजिसन ल्याम्प तथा हेडल्याम्प रहेको छ । यो स्कुटरमा १७१ एमएम सम्मको ग्राउन्ड क्लियरेन्स रहेको छ र होन्डाले यसलाई बेस्ट इन क्लास भनेको छ । स्कुटरमा भएको आइडलिङ स्टप सिस्टमले इन्धन बचाउन सहयोग गर्छ ।

ग्राजिया बिएस६ स्ट्यान्डर्ड र डिलक्स गरी कुल दुई भेरियन्टमा उपलब्ध रहँदै आएको छ । जसको मूल्य क्रमश २ लाख ७५ हजार ९ सय र २ लाख ९२ हजार ९ सय रुपैयाँ तोकिएको छ ।