यस्तो छ मोटरहेड मोटरसाइकलको मूल्य, सबैभन्दा महंगो स्क्राम्ब्लर २५० को मूल्य ४ लाख ५५ हजार

चाइजिन टु ह्विलर ब्रान्ड मोटरहेड पछिल्लो समय नेपाली राइडरमाझ लोकप्रिय बनिरहेको मोटरसाइकल हो । बजार सुहाउँदो मूल्यका कारण राइडरको रोजाइमा पर्न सफल यसको स्क्राम्ब्लर र अफरोड बाइक बढी चर्चामा रहेको पाइन्छ । यो मोटरसाइकललाई एसएलआर टेक्नो एन्ड ट्रेड प्रालिले आयत गरी कारोबार गरिरहेको छ ।

नेपाली बजारमा यसको स्क्राम्ब्लर२५०, टेक्कन२५०, एक्स टर्क, एमएच२००, स्पोर्टस२५० र एमएच१५० गरी कुल ६ मोडलका मोटरसाइकल उपलब्ध छन् । जुन बिभिन्न कलर अप्सनमा उपलब्ध रहँदै आएको छ । कलर अप्सन अनुसार यसको एउटै मोडलमा १७ हजार रुपैयाँसम्मको मूल्य अन्तर रहेको देखिन्छ ।

कालो कलरमा उपलब्ध स्क्र्याम्लर २५० को मूल्य ४ लाख ५५ हजार रुपैयाँ तोकिएको छ । जुन यो ब्रान्डको नेपालमा उपलब्ध सबैभन्दा महंगो मोटरसाइकल समेत हो । सबैभन्दा लोकप्रिय टेक्कन २५० आरको मूल्य ४ लाख ५ हजार रुपैयाँ निर्धारण गरिएको छ । यो पहेँलो र सुन्तला कलरमा उपलब्ध छ । त्यसैगरी रातो र सुन्तला कलरमा उपलब्ध टेक्कन २५० को मूल्य ३ लाख ९५ हजार, एक्स टर्कको ३ लाख ९० हजार र एमएच २०० को ३ लाख ७५ हजार रुपैयाँ तोकिएको छ । एक्सटर्क कालो र एमएच२०० रातो कलरमा मात्र उपलब्ध रहेको छ ।

स्पोर्टस २५० रोडको मूल्य ३ लाख ७० हजार र अफरोडको ३ लाख ६८ हजार रुपैयाँ निर्धारण गरिएको छ । निलो र रातो कलरमा उपलब्ध यी बाइकको मूल्य समान रहेपनि अर्काे मोडल एमएच १५० रातो कलरको मूल्य निलोको तुलनामा १७ हजार रुपैयाँले महंगो देखिएको छ । यसको निलो कलरको मूल्य २ लाख ८८ हजार रुपैयाँ तोकिएकोमा रातो कलरको भने ३ लाख ५ हजार रुपैयाँ निर्धारण गरिएको छ । डबल डिस्क ब्रेक, इन्भर्टेड सक एब्जर्बर, परिमार्जन गरिएको फ्रेम चेसिस, नयाँ र आकर्षक ग्राफिक्स तथा स्तरिय पेन्ट प्रयोग गरिएका कारण यसको रातो कलर केही महंगो देखिएको हो ।